بـــــــــنت الأجــــــــــواد

[عادل الدوسري]

سبحان من هو ساق لي بنت الأجواد
سبحانه الوهاب رب العبادي .

في وسط قلبي شيدت صرح الأمجاد
والها غلا في القلب ماهوب عادي .

قصرٍ مشيد ماله اسوار وعماد
قصر الوفاء والصدق هذا الوكادي .

أقولها كلمة على روس الأشهاد
يسمع صداها في جميع النوادي .

كلمة شرف تصعب على كل نقّاد
لو جيّش جيوشه وزاد العتادي .

ياللي تعذل القلب والعذل ما فاد
يا عاذلي خل الكبر والعنادي .

والنار لو يقدح بها كل نقّاد
يا جمرة العذال صيري رمادي .

وانا على الاشواق حاضر و سداد
وفي رحلة المحبوب رأيي سدادي .

دام المحبه عندنا الملح والزاد
مابه حياة بلا شراب ٍ و زادي !! .

من حبها غنيت للسهل والواد
وأجهر بها وأنا الكريم الجوادي .

حب ٍ بلا موعد ولاهوب ميعاد
قسمة نصيب بلا جهد وإجتهادي .

حبي لها دايم على الدوم يزداد
وإن طالت الايام والبعد زادي .

يالله عساها في مسرات وأسعاد
ويبقى غلاي بقلبها في ازديادي .

عادل بوبدر الدوسري