درب .. الرحيل .. يتحراني !!

[خالد خزيم السهلي]

.



.





.









ما عاد بي حلم .. ! آحس اني تعدّيته .. !

. . . .الى مهو أبعد شويّه .. من إلهامي







بأيامي .. المقبلة .. ! (( امسي )) تحدّيته

. . . . .والله يستر تخوّن مقبل أيامي !!!!





درب الرحيل .. يتحرّاني .. ولبيته

. . .. .لإني .. ما شفت أحد ( نِشد ) عَن أحلامي .. !





بلملم الواقع .. المُوحش وتشتيته

. . . . والذكريات .. وتفاصيلي .. وآلامي .. !





واوجه .. الشكر .. للي ما تمنيته

. . . . .على الأقل جا .. ! وكان أبرك من اوهامي





شكرا على البيت .. وحروقه على ليته

. . . . .شكرا على جداره .. المتهالك .. الضامي





والأمكنة .. والممر اللي تمشّيته

. . . . .والكرسي الخَشَب .. ! والدفتر .. وأقلامي





والنخل .. والورد .. وذبوله .. وتفتيته

. . . . . . . والمسجد الكيربي .. ! والشارع النامي





والمدرسه .. والطفولة .. واللي أخفيته

. . . . . . .عن شوف ابوي ان درى عن جَرحة إبهامي .. !





والملعب الشبك ! .. والمتعه بتشويته

.. . . . . . . .لامن لعبته .. وكانت .. حافيه أقدامي .. !





شكرا " لأبو ايمن " النجار لاجيته

. . . . . والكهربائي " مجيد " .. و " مازن " الشامي !!





شكرا على تيليفوني .. مع سرابيته

. . . . . . . .رسايلي .. ! والصور .. رنّاتي ... أرقامي





شكرا على الضيق .. كفاني .. ووفيته .. !

. . . . . ..وداعاً لأجمل .. اللي صار بأعوامي





ثقافة المجتمع .. وعيه .. وتربيته

. . . . . . . .ما تشجّع .. الطيّب .. المتفاني .. السامي .. !





كل حلم عندي .. يهون وما ترجّيته

. . . . .. .إلا اني آشوف .. نفسي مت .. قدامي !!











.









خ.خ







.