عهر ... ( مباح )

[متعب المضعان]

المشاركة الأصلية كتبت بواسطة نواف التركي

.


.


.





القصايد..



خلطةٍ..



فيها مع الواقع ... خيال



يعني...



شوّية صحيح ... وشي...



ماهو بالصحاح ... !


[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

من هنا .. ببدأ معاكم قصّة الحلوه منال != في قصيده ما يعكّر جوّها حزن وجراح

من تكون ؟ .. الله أعلم .. ما نعرضها الجدال = وشـ / تكون أيوا ..هنا تبدأ ليالينا الملاح

يبدأ المشهد ببنت .. تراود الغيمه ظلال = في صحاري قاحله .. وأغلب لياليها شحاح

منظرٍ يوحي ببؤس المقبلات من الليال = بس .. هادي لا هجيج..ولا ضجيج ولا صياح

ما يأجج وطأة المشهد سوى عمق الجمال = شئ لايكتب ..ولا يوصف .. ولا يطلق سراح

جيتها وفـ / خاطري ماغير أبسألها سؤال = ليه أثمدك يتغلغل ..فوق هالعد القراح ؟

قالت أظنّ العطش يغريك ..فالعذب الزلال = قلت لو كانت تهيّا .. كان هالبال أستراح

أضحكت لي ضحكة اللّي (مش بوزك ذا محال) = وأسكتت حتى علي ضاقت وسيعات البراح

قلت من باب اللباقه : يامنال شلون حال = وقبل أكمّل (كافها) قالت بلا هذاالمزاح

ما أنت سائل غير تبغى أقول لك هالحال عال = فكّنا من كل حكيٍ منطقي ..خوذ أقتراح

ليه ما نعتق حديث الأُنس عن كل أبتذال = نبتعد عن هالحضيض نحاول نكوّن صلاح

أنتلاقى مثل طهر الخاشعات بـ / أبتهال = أص ..يكفي..يكفي..يكفي..أنتي أرواح أجتياح

سهلةٍ بيدين من يدعو لـ / عهر وأنحلال = صعبةٍ ما كنّك ألاَ .. صوت ..حيّ على الفلاح

أنتي أم المومسات..المائلات ..بكل جال = وأنتي أطهر أم بالتاريخ لو عرضك مباح

ليّنه ما كنّك ألا الشمس في وقت الزوال = قاسيه ماكنّك ألا النصر في روح الرماح

حالمه ماكنّك ألاّ الصبح ..بعيونك وصال = رغم أن الحزن هذا سرمديّ بلا صباح

يا منال رجال شكل ولا تحسبينا رجال = لانفزّ..ولا نعزّ..وعاشقين الأنبطاح

مجربين بكل شي ..ونفهم بأيّة مجال = ورغم هذا من تفاهة عقلنا سادت سجاح

يامنال ..الملتحين ..المتقّين .. لأعتقال = والعماله ..للحثاله ..من دعاة الأنفتاح

لا يغرّك كل حكي وكل قيل وكل قال = المنابر .. كل فاجر..معتليها بالنباح

صدّقيني ..نسطّر الأمجاد صرحٍ من خيال = ونتهاوى ..بالخفاء..نطلب من القاتل سماح

من هنا بـ /أنهي معاكم قصّة الحلوه منال = في قصيده كلّ أبوها ضحك في وجه الجراح [/POEM]

المبدع


نواف التركي


ابداع الى حد الثماله


لله درك من شاعر

اجاد حبكته الشعرية في قصيدته

التي اكتست الابداع والسلاسة


نواف

استمتعت بمعانقة هذه السامية


لله درك من شاعر


اخوك

متعب المضعان