كسب الانفال

[متعب المضعان]

للتواصل بعد الغياب








[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]كم ليلة ٍ مرت وانا ضايق البال=والصدر ضايق ماهو خبرك شمالي
من ضيقة ٍ في داخل الصدر تجتال=من هولها قامت تزاحم خيالي
هول ٍ يهول اهوالها هول بهوال=ومن هول بلواها تزود هبالي
ضيق ٍ يضيق ضيقتي ضيق بغلال=ومن ضيقتي ضاقت مساعي مجالي
كله سبب وقت ٍ عطى وضعي اهمال=امهمل ٍ وضعي ولاهو بسالي
وقت ٍ ردي ٍ يرفع اشكال واشكال=وخلا الردي فوق النجوم امتعالي
ودامه ردي امذخر بكثر الاموال=يصير شيخ القوم صاحب معالي
ولاجاك عفن الساس يمشي ويختال=وتقصد به الشعار ياهملالي
كله نفاق وكذب ياطيب الفال=كله مصالح جعلها للزوالي
ولاصرت رجال ٍ ولاتملك المال=محد ٍ يعبر جيتك منت غالي
فقير ما يلقى برصيدك ولا ريال=بعيونهم ثوب ٍ قديم ٍ وبالي
ناس ٍ تبي من كذبها كسب الانفال=ماتطمح الـ كسب العلوم الجزالي [/POEM]

مع جزيل الشكر

لكل من مر من هنا