اكسجيني هنا اتنفس قصيده من اروع قصائد اسير الشوق
اتنفسها بعمق
ما يفضح اللي حب الا آخر اللحظات
لامد كفه بالوداع وصد بعيونه
معاه رايات الاسى وجيش من العبرات
وبين الحنايا صهيل خيول محزونه
كنه على موعد معك يا هادم اللذات
من شاف ما صابه يقول الله في عونه
سلام ياللي ناوي الفرقى عدد مافات
وتعداد ما مر السحاب وهلت مزونه
سلام من قلب سكنته انت والحسرات
غلاي تكفى يا مودع ناظري صونه
ارحل وأنا برحل معي هم وتعب وسكات
وأسرار ما بيني وين الروح مدفونه
ارحل مادام الله كتب لك يالحبيب شتات
مالي على حكم القدر راي ولا مونه
مالي بعدك الاالصبر ومجاذب الونات
وقصيدي اللي كل خلق الله يغنونه
وان طالت الغيبه ابنعي الحب لو مامات
عسى الهوى يشتعل بك وتردك ظنونه
وباحاول أنسى لو يصيح الشوق بي هيهات
وباحاول اسلى ولو يصيح القلب ما أخونه
آخر المشاركات
02-19-2010, 03:03 PM
العرض الشجري