شمر

[عبدالله البطي]

تعودنا على اللوعات عادي
تعايشنا معاها ما اشتكينا
نخاف البوح فرصه للاعادي
تجي فرصه لهم منا علينا
ورغم أن الأسى زاد التمادي
نموت احرار ماهرجن يجينا
مرادي يامرادي يامرادي
تصبر لو لظنك ما رقينا
جلدك الضيم والزاهم ينادي
تصد بعزه وتمنع يدينا
تشابهنا قطعنا كل وادي
يمر السيل واعزازآ بقينا
واذا نزعل خطرنا مايبادي
نحوز الكسب ماوالله بلينا
لنا سادات واقلوب شدادي
سوات الريح سواط السنينا
كوامل والخناجر والهنادي
زهت بأمجاد يوم انا لفينا
منيع وكل قومن لو تعادي
نعلمها دروس الاولينا
ونحزن نلبس اثياب الحدادي
على الطيب لو إيعادي اخينا
جذبني للكتابة هرج غادي
تصدر مجلسآ للجاهلينا
على ضوء القمر هبت برادي
خطا الصاحب دماحه مايهينا
يقولون ان خطا ادمح وعادي
واقول احرار منه وش علينا
طنايا والفخر يبقى اعتمادي
لشمر والجواب لسائلينا
على صدر السما غنت بلادي
ياشمر خاب من عاداك فينا