جتك البشاير

[عبدالله التميمي]

اجمل رساله جتّني عبر المبايل
ان الاجازه وافقو لي عليها


جتني على ماقيل بعد الهوايل
هالحزه هالحزه هو اللي ابيها


نبغى ندوهج في ديار المثايل
اللي صعيبه اول انك تجيها


لاتفهم المعنى بمقصود مايل
الديره البيضاء ترى مانييها


نبغى نسافر يم جدة وحايل
معظم علوم المرجله نعتليها


قالو لنا وادي من الغيم سايل
جتك البشاير وين من يحتريها


خوّ ت رفيقاً فيه كل الخصايل
يرفض تقوده حرمته في يديها


حراًً ولا يتبع خطات التحايل
لاقال كلمه كلمته يحتميها


ماهي غريبه هذي عادت وايل
لو كان خوتهم شِرَا لشتريها










حبيس الهاجس