:
:
للمعاشات القليله
للرغيف إن قايض الموس فْـ حناجرنا الهزيله
ننسكب حبر وعرق
شمع يضويه الأرق
بالقرى
بالطين
بالمحتاج
بالغلبان
بالأم الحزينه
بالفقر في أغلب بيوت المدينه
كم يشرفنا الغرق!
:
للأخوّه اللي بصداقتنا
ذ
وَ
ت
بين كرسيّ الإداره والمدير
صاحبٍ للعمر شلته..
داس وجهك في الأخير!
:
للبلد..
للقروش اللي نحوشها أبد..
للتقشف في الأكل
للشلل!
للفِراش بركن عمر المتعبين
لاجل نملي سْلالة العقم بولد!!
:
للنهارات الكئيبه
للخيانات بغدِر أوفى حبيبه
لليالي المالحه
الأراضي اللي غدت فعلاً لاسانا صالحه!
لاجل كل اللي انسرق..
واللي بكره بْينسرق
لاجل طول الموت في قِصْر العمر:
شفت نفسي مْحاوله
تكتب
شعر!
:
:
:
آخر المشاركات
11-10-2008, 10:26 AM
للأسـبـاب الـتـالـيـة:
العرض الشجري