الرسّــام

[ثاني الدهمشي]

:

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كفخ طير الكلام امْن السكوت وحام=حدتْه اسألته اللي ترفض تراعيه..
شمخ بعد انتـظارٍ تاليتْه اوهـام=بجوفه حسرةٍ تقتلْه ما تِبكيه..
ياوقت ارجوك مادامت خْطاك ايام=ومدام إن العمر درب ومعاك امشيه..
ابي تستعجل بخطـواتك لـقـدّام=احس ان العمُر فرحتْه في تاليه..
واذا بتقول ليه؟ آقـول ما تنلام=مَحَد يطلب عن اول عمره تودّيه..
ولكني تعبت احقّـق الأحـلام=لغيري يوم حلمي محّد ايْدانيه..
بنا قلبي لناسه لين صار حْطام=ولا فيهم وَفي فكّـر وقال ابنيه..
ترك جفن القدر صبري وراح ينام=وصحى بعد اربع سنين وصحى ناسيه..
معي حزمة قهر واقسى سهر وآلام=ورى حدب الضلوع وشي لو احكيه..؟
قسم بالله تخجل من فوات اعوام=على من فيك نادى ينتظرْك اتْجيه..
انا يا وقت اشابه ضحكة الأيتام=بكاء قلوبهم في ضحكهم توحيه..
مصيبه لا جنيت امن المود خصام=شف الحاضر سجين وحابسه ماضيه..
على وجه البسيطه بس انا المنضام=إذا ( الخذلان ) ضيم لنفسٍ تعانيه..
انا كنت الرهان وأصعب الأرقام=ولكن كبريائي ما اقـدر آخلّيه..
قصيدي من كثر ما طيّحوه وقام=رأى عبر الزمان اجيال تبحر فيه..
يشوفونه مثل ما آشوف انا الاهرام=عظيمه شامخه..مع فارق التشبيه..
كلامي لوحتي وشعوري الرسام=وحزني ريشته وازريت لا آخبّيه..
غدن سبابتي وابهامي الإلـهام=يجرّن بالقلم من داخلي كل( ليه؟)..
لو ان نفوسنا يا وقت بالأحجام=بتعرف صاحِبِك ( ليه ) انت ما ترضيه..[/poem]

: