يابوي لك قدر ٍ حقيقي بمعنـى !

[فهد الماجدي]

من القديم للتواصل مع التحيّه والاحتراام
,



يابوي لك قدر ٍ حقيقي بمعنـى
......... حتى نصايحكم سمعنـا وطعنـا

يالله عساك بْجنة الخلد ساكـن
............. ربي مقاديـره معـاك وجمعنـا

انشهد انك بالقـدر لـك مكانـا
............. لو هب عات الريح ماهـز عنـا

ياما وياما من حنانـك روينـا
............. وياما على خيرك من الله شبعنا

مدامكم لابـه لنـا قـد سعدنـا
............. ماضي عزيز وبالفعايل طلعنـا

من ضامنا نفديبه القلب والروح
............. والا الردايـا مالهـا دور معنـا

وميمتي ياشمعت الدار والعيـن
............. ياللي اساس الصلح في مجتمعنا

ياعل ربي حرم اقطوع الارحـام
............. انه يشل الروح لامـن قطعنـا

يارب تشفيها وهـوّن وجعهـا
............. واكتب لها عمر ٍ مديد ويسعنـا

لي عزوة ٍ ياسعد منهـو تمنـاه
............. كل الصفات المرجله به تبعنـا

ابفتخـر دامـه تعشيـه يمنـاه
............. هذا اخوي بْصيته اللـي رفعنـا

قرناس في درب الردى به مناعه
............. عسى دروب الخير به يجتمعنـا

ياخوي لو جار الزمن ما ندعكم
............. ياخوي لا جار الزمن لا تدعنـا !



,