"رجعت سالم"

[ينابيع السبيعي]

"رجعت سالم"

[poem=font=",6,green,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
رجعت سالم يا كبير الزعامه=شيخٍ ولد صقر الجزيره نِسَمِيك
جيت الوطن في قلوبنا لك علامه=منقوش حبك داخل القلب حاويك
الحمد لله عودتك بالسلامة=والحمد لله بالشفا ثوب كاسيك
يامن كسب حب الدول باحترامه=مذكور فعلك والكرم في أياديك
فخر لنا رجل الكرم والشهامه=سمعٍ وطاعه كلنا من حواليك
رمز الفخر ياشيخ عالي مقامه= حميت دينك ما يخيب الرجا فيك
والكل منا في حروفه حسامه=مثل البنادق به رمى من يعاديك
لا خاب من حطك جبين الكرامه=صقر العروبه تاج راسي معانيك
ومن الحسا اسمع هديل الحمامه=جاتك تغني في قدومك وتغليك
وسعف النخيل اصبح يميل بسلامه=يزجي التحية يا ملكنا يهنيك
لك سطر التاريخ صادق كلامه=إنت سفير المجد والمجد طاريك[/poem]

ينابيع السبيعي