عصفورتي ..

[أحمد الهايس]

عصفورتي للصبح بـ اسهر مع الناي
نامي وخليني امارس أنيني

طبّعي ليا حزّنت أحزن من اقصاي
هذا عهد مابين جرحي وبيني

تشكي لهاتي حيل من ريق منفاي
غيمة واحس ان الضمى يحتويني

هـ الارض ما تشكر غزارة عطاياي
ياما عشقت ترابها وتعصيني

اتسول الضحكة وتضحك على بكاي
ماجاملت حزني وعزّت حنيني

كل ما مضى يرسم ملامحك يـــ الجاي
لا باكر ٍ أحلا ولا اعرف ويني

(عصفورتي للصبح بـ اسهر مع الناي)
لا فجّ نورك غردي ذكّريني

بـ اطلق سراحك ..وارحلي عن زواياي
وش لي بحبسك والأمل ما يبيني

طيري وطيري ليييييييييييين ما تاصل خْطاي
وان صحت !! طيري حيل لا تسمعيني