مرثية بفقيد الأمة ملك الإنسانية رحمة الله عليه

[عبدالرحمن جابر الرويلي]

الموت حق وماعلى الموت..... سلطان
مثل الدموع اللي تناهل بلا..... طوع

جانا الخبر واهتزت بموته...... أركان
وقِشْر الهموم اتتطابقت فوق الضلوع

مايدري إن الشعب من دونه ..اخوان
تيتموا والكل .. مدمي .... ومفجوع !

شحت على وجه الفرح كل ... الألوان
غير السواد اللي طفت دونه .. شموع

لو اصدح بصوتي وجاهر بالاحزان
ماظنتي من بحة الحزن ... مسموع

قمت اتوجد وانثر دموع ..... الاعيان
وجدي وجود اللي الحزن لايعه / لوع

الشعب ...كله من جرى الدمع غرقان
حتى تتداخل بالنفس ريحة .. دموع

مرحوم ياللي للكرم .. كنت .. عنوان
ياللي على كف العطا دمت ..ينبوع

الملك لله وانت معنى ........ للانسان
باعلا مقامات العرب كنت .... مرفوع

لكن عزانا في ... وريثگ ... كحيلان
بيعة شرف من دونها الشك ..مقطوع

سلمان يانسل الاجاويد .... سلمان
شعبك معك ، مادمت ... للحق تابوع

ودون الوطن حنا نزلزل ... بالاوطان
وحنا معك ياسيدي .......حد ودروع

قلته وانا من آسي الحزن ... تلفان
كني يتيمٍ ميت من الفقّد..... جوع

ومالي انا حيله سوى ارثي..بقيفان
ياللي رحيلگ شي مامنه .....رجوع

يالله عسا الملحوق في وجهك .جنان
يالله انا ادعيك ... وارجيك بخضوع

فيالله يامنزل.... كتابك ... باحسان
ياهادي طبوعٍ ويامخلف .... طبوع

تحفظ وطنا .. وتغمره ...امن وآمآن
وتحمي السعودية من مراد .طاموع