ياكثر شيٍ نبي نقوله ولا نقوله
تردنا عنه بعض احيان طيبتنا
الاوله من قريب الناس مقبوله
ونقول ما جاتنا لو انها جتنا
والثانيه مالها صوله ولاجوله
لابد تاقف وتوقفها حميتنا
وان جات من زمرة العدوان محلوله
ينسا العداوات من جرب عداوتنا
الطيب في الناس فيه الناس مجبوله
و حنا على فطرة الاسلام منبتنا
السب والشتم والتحريض وشهوله
والقتل والحرب والتفتيت بـ امتنا
اللي يشوف العنب حالي ولا يطوله
يموت ماذاق حلمه في تشتتنا
يدين تعطي وفا ويدين مغلولة
ياكثر ما تعطي من الخير دولتنا
ليه التشدد وقتل النفس وحموله ؟
وحنا على منهج التوحيد فطرتنا !
آخر المشاركات
06-20-2016, 07:24 AM
يا كثر شيٍ نبي نقوله ولا نقوله
العرض الشجري