مثــــــيره للجــــدل !!

[سليمان عباس]

المشاركة الأصلية كتبت بواسطة علي القرني

اهلا بكم جميعا

عـلى بـالي تـمرّ (ا)غـيوم حـيره .. مالها تـعليل
مـثيره لـلجدل ... لـوّن عـشقك مـا عـليه جـدال

عـلى الـحرْوه ظـماغصنٍ يـباسه لـلسحاب يخيل
مـخـايل . لـيلة الـعيد الـكبير ... وبـهجة الأطـفال

حـنيني ... رحـلة الـليل الـطويلُ وجـهك القنديل
عـلى.. آخـر طـريق الياس. تحيا من سناه آمال

وتـجمح بـي هجوسي والهواجس عاديات الخيل
تـذكـرني وصـالك والـوله ... وأحـساسك الـهمال

رغـم لـوعة حـروفٍ دمعها. فوق السطور يسيل
مثل كحـل الليال ... الي على خـد الضحى سيَّـال

أسافر في عيونك . من شطِر دجله . لشطـْر النيل
وانا الـبحار. وعيـونك قـصـيد . وصـوتك الـموال

عـشقتك يالسحاب . وما خبرت ان السحاب بْخيل
فديت التوت . وعـقود الـبرد . والـمطرق الـميال

تـقهواني غـيابك ، والـوله ... مـا عاد فيني حيل
عـطشتك والـعطش لاشك فـرقى والمزونُ وصال

تـعـاليني جــوابٍ . يـرفـض الـتسويف . والـتأجيل
تــرا مـاني بـخير . ولـو أقـول الـحال. عـال الـعال

وفـانـا : غـيـر قـابـل لـلـجدل . والـجـرح والـتعديل
هـنانا : شـبه جـمله نـاقصه .. وانتي وانا الإكمال

انـا الـفـرقان : لاصــاروا هــم الـتـوراة والأنـجـيل
ولا لـي . فـي تـذاكي الأغـبياء .. أوطيبة الأنــذال

بـلـيغ الـقـول ... مــا يـحـتاج لـلتمثيل . والـتاويل
خــذ الـمعنى تـرا الـخيل الأصـيله تـعرف الـخيال

مــدام الأمــر لـلـه . والامـانـي حـاصـل وتـحـصل
أذا الله راد . نـتـلاقـى ولـو جـــار الـبـعاد وطــال

حـبيبي . لـو تـمرجحْك الـليالي بـين عـدل وميـل
حـبـيبك هـو حـبيبك . وافـي/ن . بـقفايها وأقـبال

عـلى خـبرك . تـرا صدري مهاد . وكفي المنديل
وانـا سـر ابتهاجك وان شكيت . (إ)لحملك الحمال

ذكـرتك .. لـو نـسيتي . والـغلا لـه بـالوفا تـأصيل
جـعل عـامك سـعيد ... ولابعد ما قلتلك .. ينـقـال

عنوان أبعاد أدبية وللكتابة أبعاد كقصائدك

تنزل عليها عنوان أبعاد

نعم استاذ علي لايمكن أن تقرأ قصيدتك فقط كقصيدة
فما بين الحرف والحرف الف كلمة
صح لسانك ياغالي