مُتنفس .. شِعري !

[عبدالله عليان]

ساري!
•

خلّ الناس
لـ رب الناس ..
يعني لو صاروا .. وسواس !
عندك فاس
ولك حرّاس !
أبترهم :
من تشرب كاس ..
أخبنهم
دوّرهم - فيهم !
منهم
هِنهم بالكراس !
عالطاري .. ساري كذاب، كان البارح عند الباب ، كان يلّقط بعض الحَبْ !
قالوا له بعض الأصحاب : أن الحَب يداوي الحِب !
قال يجرّب هذا المهرب ، لكن طاح ببعض النمل !
التموا له مثل القمَل ، شافوا المشهد بعض النحل!
فزوّا له - طزوا له أيده !
لجل يقوم
ابن الـ منظوم !
شال إيديه
وبطّل يجمع ..
مرّ وحط ب أذنه
أصبع !
حالف أن القصه تخدع !
صدّق أنه حَب : وطب
طّب وصار يدوّر طِبّ !
يخرب بيته - وينه بيته ؟
ساري ساكن في جاكيته !
متلحف به
متدفي به
مره يشدّه - مره يرده - مره يوده - مره يحده - مره يضمه
مره يلعن زرّه وكمّه !
الشاهد : ساري مجنون ، والعالم ينقصها عيون
شايل كل هموم الناس ، والناس أصلاً ماهم ناس !
قبل أختم لك
خَل أختم بك
نصفي بين النصف : أنصّف !
مثله يعني - مااتمثل به
لكّني بااوجاعه : حاس !
الله يلعن هذا الماس !
هاللي يغّرب حتى روحك ، لما الواقع مايشبه لك
لما وجهك
ماهو وجهك
لما كفّك
يحضن كفّك !
لما كتفك - يتعب كتفك !
أية منطق - هذا الأخرق !
أيّة وعيّ وأيّة أيّ ؟
لما الميت هو الحيّ
والحي اللي
فيه النعيّ !
ياعمّي : ساري ..
مو ساري !
هذا وصف لكاس القاري !
فكّر - مرّر
والا حرّر !
لكن مِنك - وفيك تحرر !
حرّر أيدك - كسّر قيدك
والا تدري .. باقي بدري !
يمدي تموت بدون
الصوت !
- لقّح نخل اشعارك
توت !
يمكن - يمكن : تحصد فمّ !
والا تدري !
من يهتم ؟!

-
شاعرنا سعيد الموسى