مُتنفس .. شِعري !

[نورة القحطاني]

‏غربة الأيام صوت من الضياع
‏اشرعوا له دمعهم وقت الفراق

‏واجمعوا اطفاله الصم الجياع
‏حدثوهم كيف يغنيهم عناق !

 

[سعيد الموسى]

ياما ..
بكت كفّي !
عيّيت
ماتعفي !
ياما نزف
صدري !
واهديت لك
عطري !
وتنفسوه .. الناس !
وتكابرت .. ريحك !
كم توجع
الأشياء ..
لا من خلت
منّك !
كم تظلم الدنيا..
من اغربت ..
شمسك !
وتخيل الأسماء ..
شِف ..
كل هالأسماء !
فجأه :
تصير أسمك !
وأنادي لوحدي ..
وتجاوب أيديني !
ويردني .. كتفي
من يلمسه كفّي !
أحيان
أحس الريح ..
تهمس له ب تلميح ..
أثبت
وأصحى تطيح !
قِلي : وش آسوي ؟
لا عمّت الفوضى !
في مملكة جرحي !
شوف الحزن .. هذا
وحدي.. تسيّدته !
وحدي كذا ..
عشته !
وحدي تنفسته !
أكلّته .. ضلوعي!
شرّبته ..
آويته !
حتّى تشرّبته !
آخيته .. وربي
مافيه أحد كثري
جاوب على أسئلته !
ويناقشه .. غاضب
في وسط صومعته !
قل بين " أورِدْتَه "
كل شيّ
أورَدْته !
حتى حَزن منّي !
فزّيت به .. رحمه !
أزريت لـ آلمّه !
وازريت عن شتمه !
وانا تعاظمته ..
أنا .. كسرني
الحزن !
لكنّي : أجبرَته !
ضِيفي .. بعد زولك !
قلّطته .. أكرمته !
-
-
من بعد
ماقلته !
هاللي لك : أسقطته
من أسفل عيوني
من عالي ..
أيديني ..
ابسألك .. قلبي !
بالله ماشفته ؟
له عام .. ضيّعته !

 

[نورة القحطاني]

طاح !
ومن العمر أوقد حطب !
مسافته تنهيد
والعطر صبره فاح
وماتت معاذيرك !

 

[سعيد الموسى]

أذا جيتي
يصب الما ..
على صدر الحكي .. أسما
ونونك ..
ماهي أيّة " نون "
تجي مشتل
وفيها " عيون "

 

[رشا عرابي]

باخيّرك،
يا تبتديني بسطر فاضي بلا عتاب،
يا أبتديك بلهفتيني وشوقي !

 

[صالح العرجان]

/


يا أجمل من الهقوات واكبر من الظّن
‏قربك عن إزعاج العمر .. ركن هادي ..؟!

 

[سعيد الموسى]

المشاركة الأصلية كتبت بواسطة صالح العرجان

/


يا أجمل من الهقوات واكبر من الظّن
‏قربك عن إزعاج العمر .. ركن هادي ..؟!

إذا حداك من الزمن حاديٍ غنّ !
__ أطنخ جعل تفداك روس الأعادي
ترى الثبات بهالأعاصير له فنّ
__ مثل النخل لـ اهتّز "كله أيادي "
الهم زارك إيه .. بس للكرم حنّ !
__ صدر الرجال أحيان طِيبه ينادي !

 

[سليمان عباس]

المشاركة الأصلية كتبت بواسطة سعيد الموسى

إذا حداك من الزمن حاديٍ غنّ !
__ أطنخ جعل تفداك روس الأعادي
ترى الثبات بهالأعاصير له فنّ
__ مثل النخل لـ اهتّز "كله أيادي "
الهم زارك إيه .. بس للكرم حنّ !
__ صدر الرجال أحيان طِيبه ينادي !

من هالجمال يعود عقل الذي جن
وان جن جنونه لا تلوموه عادي
دام اليقين براح صدره توطن
ما ترعبه قمّه ... ولا يهاب وادي
كلن على ليلاه يا صفوتي غن
وما كل صوت يصيح سموه حادي