مُتنفس .. شِعري !

[زايد الشليمي]

مافيه داعي .. نصير اخوان
يمكن معارف بعد .. أحسن
:
عزّيت نفسي بدمٍي خان
في وجه ابوي أبي مَسْكن
:
حاولت أبقى على الإيمان
عقيدةَ السيئ المُحسن
:
وش يشفي الروح ياعدنان
قِلّي ترى الجرح ذا مُزمن
:
تعبت أبحث عن الانسان
في داخلي أوصله ممكن
:
أكبر من الويل والأوطان
يامات في داخلك مؤمن
:
باقي على العهد مهما كان
واضحك لوِنْ الوضِعْ مُحزن
:
أقَلّب الليل،.،.دانه دان
وارقّص الورد لين انجن
:
ضحكت من كثرة الأحزان
أنثر على شوكها سوسن
؛

:





زايد..