أوراق فاتها قطار النشر و للتوّ تنشر

[عبدالعزيز رشيد]

تذكّرت وتذكّرت لييين انكبّ الـ حبر عَلَي !



ياواهني ياطاري اللعب والطيش
.......................ايام انا طفـلٍ بوجهي بشاشه
ايّام اناشيطان جمع المحاريش
......................جاهل رمى عقله وما به خراشه
يومي افتّـش بالمعاتيب تفتيش
.....................من عاتبه صدّه وبيّن دفاشه
يومي اشوف ان الشقى احسن العيش
.....................درسٍ وتطبيقه علوم ودباشــه !!
هبّت علينا مثل جمع المطـاريش
.....................من ماضي الايام يبغى انتعاشه
يسرد ملاماته وقول اشويش بشويش
...................فزّيت كنّي المنتفـظ من رشاشه
ياكم نسيته \ طايرٍ ناسي الريش
....................ناسيه مثل الزيف ميّت نقاشه
ويـلاه يا ايّامٍ تبدّت مراهيـش
.................لين امطرت والشوق زاد ارتعاشه
صدق الكبر خلا الاماني معاطيش
................صرنا السواقي والاماني عطاشه
واذكر عذاب الشوق وضحك الدناديش
................وَدفتـر الاشعار ينثر حشاشــه
واليـوم انا ناسي ولاعـــاد منّيش
........... ماغير ذكرى الطيش وعصفور عاشه
عصفـور له في خاطر القلب تنقيش
................يازين ايّامه وزين انتفاشه
قم يا "حمد" و ارسم سمانا مراويش
................"يابو حمد" وانته عليك الفراشه!!