خــــط الــفــقــر ..

[مسلط الهلالي]

المشاركة الأصلية كتبت بواسطة ناجي الطرقي

بدون مقدمات.....[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياصاحبي ركد الفنجال ثم زله = صاحبك ضاقت عليه وزادت العمسه
تدري وش الفرق بين الطين والبله = انك علي خط فقر وترتفع خمسه
وتدري وش يخلي ارض القدس محتله = معالم الدين والرايات منطمسه
وبغداد تدري وش اللي قام يحصله = لقمة عروبه بصحن الذل منغمسه
وحقوق الانسان قبل الحل.. منحله = صارت حريم العرب تنحاش من لمسه
والناس تمدح برغم الجوع والذله = مافيهم اللي صدوق العلم يلتمسه
مايمدح الشيخ غير اللي تسوله = والصدق بين العرب منطوق بالهمسه
يحق للناس تذكر ما يزوله = ويحق لك تنبسط ياراعي الرمسه
يامرحبا يافقر .. يسعد لي الطله = كبود خلق الله لطلتك منحمسه
تدري وش الفقر بين الطين والبله = انك تبي تشوف فرق وترتفع خمسه
خلاص مابي قهوتك نكس الدله = انا اعتذر منك.. ماجازت لي الحمسه[/POEM]

نـاجـي الـطـرقـي

الطرقي /

طرق القلب واوجعت الجرح

اشكرك بكل حرف هو كل