قصائد عشق .. مكسورة

[عَائِشَة]

يا للأسف ! ..
ما كان يعرف من الحب إلا ..
ترديد الأغاني ! ..
و الوفا في شرعه ..
أوهام .. و أماني ! ..
يوم ضحكت الدنيا بوجهي ..
كان قربي .. كان يبيني ! ..
شمسه تشرق من طلَّة جبيني ..
حط هالعالم بكفَّة .. و انا بكفَّة
ترك أهله و ناسه .. و قفَّى ..
توسد كفوف صدري ..
و غفَّى ..
سكن قلبي .. و ذاب في شراييني
آه .. يا دنيا ! ..
ليتك ما ذبحتيني ! ..
دارت أيامك .. و غدَرَت فيني ..
كل ما كان متجه صوبي ..
تحوَّل ! ..
ما بقى لي غير صاحبي ..
الاوَّل ! ..
جيت أدور له ..
أبيــه ! ..
كانت هقوتي ينسيني زماني ! ..
يصير قلبه من بين هالعالم ..
مكاني ! ..
يجمع جروحي بيديه ..
لقيت على وجهه ..
وجيه ! ..
إلا .. وجهه ! ..



آه .. يا زمان العجايب !!!