[ عَلى طَعم هـ الزّقارهْ ]

[تركي الحربي]

[ 3 ]


من صغري وأنا أجالس كبار السن ، هي عادة حلوه لكن فيها عيب [ صغيّر ] تجعلك تنظر لمن هُم بـ عُمرك على أنهم [ أصغر منك بمراحل ] ، وتتأذى بـ التكيّف معهم ، لإنك تعوّدت على سوالف [ الشيبان ] ، ولمّا تسمع سوالف [ الشباب ] تنقد عليهم [ وتندبل جبدك ] ، تعقيد يعني


مرّه جالس مع شايب في الديوانيه ، هـ الشايب من النوع اللي [ مايغشمر أبد ] ، لم يُصدق إلى الأن أن الكرة الأرضيه / أرضيه : يعتقد بإن [ الأشعه ] في المستشفيات سحر ٌمُبين بــ إختصار هُوَ :


من النوع اللي يبتسم في حواجبه فقط


يحبني حيل هو وأنا أبادله نفس الشعور بس عـ الخفيف مو زياده ، وحنّا جالسين طلعت دعاية عطر رجالي في التلفزيون أعتقد إنه كان [ فهرنهايت ] ، ما أدري شنو اللي خلاني أسأله هـ السؤال :


الساعه السودا يوم سألته

اللحظه اللي ماهي مباركه



هو من جيراننا ، قلت له [ عمّي ] شنو عطرك : ( ، لقافه ياكافي وإلا ّ تسأل شايب كبر جدك شنهو عطرك !!


الشايب : [ يتنحنح ] ، وش قلت ؟ ؟


أنا هني عرفت إني أذنبت لكن خلاص ماعاد ينفع : (


أنا : عمي عطركم قبل وشّو ؟ [ غيّرت كلامي ]



[ ينظر لي وكأنه أسد يُريد أن ينقض على طريده ] : (




الشايب : البارود ياوليدي ! !


قالها وكان صوته متهدجا ً ، وكأن [ عيناه ] قنابل يدويه على وشك الإنفجار

أنا : عمي أصب لك قهوه

الشايب : إيـ ـ ـ ـه


[ بـ وقته كان موقف لايقل مأساويه عن كاريزما الأخت اللي فوق ]