شعراء أبعاد المشاركين في شاعر المليون هذا العام

[أحمد الكميان]

لك كل الشكر يااكرم
واتمنى التوفيق لشعراء ابعاد وغيرهم
اسماء تبيض الوجه وكلهم خير وبركه
لافي ذباح
مشعل دهيم
سلطان الاسيمر
حمد عايد
بركات الشمري
عساف التومي
اسماء من العيار الثقيل وفي قمة الروعه والجمال لاكن؟
نسيت الشاعر المبدع العبقري
ثاني بن ثويني الدهمشي

وكانت مشاركته في دولة الكويت في هذا النص الرائع
[poem="font="simplified arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بسمتْك شمس وغشت بسمتْك بعض الغيوم=وصيّرت عينـي ريـاح وعنّـك آزحتهـا

وركزت فيك ولقيت آثار مسـح الكمـوم=وحلّفت رمشك دموعـك ليـه مرجحتهـا

قال: ان عينك تفرّغ آأهـ قلـب مْهمـوم=إتّخذت احزانـه ضلوعـك لأجـل نحتهـا

أقول ..قم والعن الشيطان جعلـك تـدوم=أحزنْـت الأحبـاب والأنــذال فرّحتـهـا

حتى الغبي عايش الاوضاع..وانت مْحشوم=دنياك مـن عينـك المفـروض طيّحتهـا

خلك معي واسمع علومي وكـبّ العلـوم=اللـي رفضـت اتجاهلهـا ولا اصلحتهـا

أبك انت في كوم والعالـم بأسـره بكـوم=الفلسفة فالشعـر لـولاك مـا اجتحتهـا

كن قبْلك الجفن فوق العين بيـت مْهـدوم=ومن جيت كنّـك بأصابـع يـدْك فتّحتهـا

كسبت اجر في هيام قلـوب نـاسٍ تحـوم=حولـي ومـن كثـرة التفكيـر ريّحتهـا

مشاعري بـك تمسّينـي قبـل لا تقـوم=وانا من اقعـد علـى طاريـك صبّحتهـا

كنّ القصايد تصيـر بويـت مالـه لـزوم=لا صارت فـغيرك ولـو ايـش نقّحتهـا

من تبتسم تِرجِع لـ ليلي بريـق النجـوم=كنّك على ذنـب مرتكـبتْـه .. سـامحتها

فنجالٍ ارشف غلاتك منْه فـي كـل يـوم=من دلـةٍ فـوق جمـر الحـبّ فوّحتهـا

أدمنـته برغـبه وقناعه .. وعالعـمـوم=إسمع خلاصـة كثيـر امـور وضّحتهـا

ما دامت الأرض تحتي لا تشيـل الهمـوم=تدري متى تشيلها؟ لا صرت انـا تحتهـا [/poem]

اتمنالكم التوفيق وفالكم البيرق والمليون