من 1990 ـ 1990....!!

[جمال الشقصي]

:
:


زلاجّة الأحلام

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
خياله مَرّ.. ما بين الستاره ونوم شباكي=وقف يستدعي أشيائي القديمه بغفلة الأيام
ضوَى شمعه.. ومرّر لعبتين بحوض أسماكي=وصل (شيخ الشتا) بعيد الصنوبر.. بشّر الأيتام
على رمشه خذاني.. وجرّني من آخر إدراكي=لعبنا لعبة الأسهم مَا بين الشهب والأَجرام
شربنا من رحيق الكون.. بشّت سلة أشواكي=وغمضنا طريق الناس في صبح الحياه .. ونام!!
سألني: لو تعانقنا.. بعَد ما شتت إرباكي=ذهلني.. واسْتخبّا خلف بوّابه من الإلهام
تعبينا.. ولا تعب قلبه.. وقلبي ضاحكٍ باكي=بعَد ما عاد بي وحدي على زلاّجة الأحلام
وكل ليله بعد ذاك المسا.. أسهر بشباكي=أأشر.. توقف (وْعول الخرافه).. تمضي الأوهام!![/poem]
:
:

 

[جمال الشقصي]

:
:


حلِم ساخر

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
أنا أيوه أنا نفس الكفوف وتحضن أشيائك=أقلّب طاولة نرْدي حنين لصدفتك باكر
عسى باكر يمرّ اسمي شبيه بزحمة أسمائك=عسى لوني.. مثل عشق آخرك.. دام أوّلي فاتر
نوافذ.. كلّها تحشر حلومي بوطأة أشلائك=أرامل هالأماني.. ما لها غير الوجَع ساتر
أقول أهواك.. تولد أمٍّ وترضعني إغوائك=تمرجحني.. وتتوفى ذنوبٍ ما لها غافر
نهار أزرق يسوسنّي.. وينثر كذبة إطرائك=لأنك كثْر ما نسّتْك فيني مرايتك.. فاكر!
هناك أطلق أصابيعي عيال صغار باحيائك=واجي مليون شخصٍ.. نجتمع في شارعك.. شاعر
مطر كان الطريق؟.. أو عرّقتني حمّة أهوائك؟=وانا ادري هالمسافه تنكسر بي.. وامضي مْكابر
على حظٍّ فقيرٍ.. كبر فقري.. أرسم أزيائك=شف اشلون الذي (بصّر عيوني.. ردّني قاصر)؟!
نعم كلي شموعٍ تنصهر من بائك.. لْيائك=عطش غربه.. ونزوح.. ورغبةٍ تاصلك.. وتهاجر؟!
واظل آنا.. عبث أبتر كفوفي.. واخلق أشيائك=كذا عشت آتكفّن.. واندفن لك.. في حلِم ساخر!![/poem]
:
: