إحساس يــ غ ــمر الأنفـاس

[رزان العتيبي]

" طفلةٍ " .. وأشبه عيون الفساتين ..!

 

[رزان العتيبي]

وترقى آهتك دخان ..
إلين تلامس عيون السماء ..
وتفيض دمعتها ..

ألم وأحزان ..
يعبّي فارغ اوراقي ..
وأحسّ الكلّ تاركها..

ويتشكل ..
أسى الخذلان في ذرّاتها | وتصيح ..

أمانه ياعرب ..
وين الأمان اللي وعدتوني ..!

أمانه ياعرب ..
وين التآخي .. ذِبلت عيوني ..!

وبدت تصرخ بدون شعور ..
خذتها تمتمات النور ..

أناديهم ...
ويرجع لي الصدى " ملّوا "

وأنااديهم ..
ويرجع لي الصدى " ذِبلوا "

وأناااديهم ..
ولا أسمع سوى صمتٍ .. تعب من كثر مَ تكلم ..
يرجي واحدٍ فيهم .. يفك القيد من يدّي
ويطلقني .. من أسوار التعب والآه ..
وأصير أمشي .. يديني تضمها ايديهم ..

شحب وجهي ..
وخط هذا الزمن في ملمحي .. تجعيدة الحرمان ..

مضت ستين .. وشابت كل أطرافي ..
من الضفة اللي في غربي .. إلين حدودي في شرقي ..

وسمعت أصوات هالأطفال ..
تنادي .. لي متى يعني !
يدين الظلم تذبحنا !
ولابه حد يسمعنا !
ولابه حد يسمعنا !
ولابه حد يسمعنا !
ولابه حد يسمعنا !

وتخنقني حكاويهم ..
في عَتم الليل ..
وأبكيهم ..

وأصاعد آهتي دخان ..
يلامس هالسماء يمكن ...
تحن قلوبهم ليّا .. وتحييني ..

 

[رزان العتيبي]

كم لي أبادل النوم أطراف الحديث ..
على أمل أن يأتيني .. وينتشلني إليه ..
" ولكن لا يسمعني " ..!

 

[رزان العتيبي]

على السّكّة نويت أفرش أنا عمري بقايا حلم
ــــ تعب من كثر مالملم حنينه في وسط دفتر

 

[رزان العتيبي]

مدّ كفّك وخذني .. إنتشلني إليك
ــــ ضمني لك بحضنك ودّي أرحل معاك

مرّت سنين عمري وإنتظاري يبيك
ــــ من تحاكوا [ يتيمه ] طاح دمعي هناك

أسمع أطفال غيري تندهك تحتريك
ــــ تركض بشوق يمّك تختفي في مداك

وأختبي في مكاني أنتظرها يديك
ــــ تحتضني مثلهم تبتسم لي شفاك

" طفلتي ليش دمعك بلل العمر فيك !
ــــ دام قلبي يحبّك خلّي حزنك وراك ! "

وأسرق الشوف منّك لين أضحك عليك
ــــ يومك تحس فيني " ياه م أحلى شقاك "

أصرخ بشوق " بابا " إنتظرني بجيك
ــــ حطّ كفّك بكفّي إحتياجي دفاك

كنت أحاكي طيوفك ب إمنياتٍ تبيك
ـــــ | اليتامى غلابا ليه ماارحل معاك !

 

[رزان العتيبي]

لملم جروحه على كفّه وراح
ــــ وإقتطع له من عيوني |تذكِره

شال عمره / ردد أطلبك السماح
ــــ واللي باقي منك فيني |بحكره

بذكرك دايم على أنغام الصباح
ــــ وإن غشاني الليل نمتك |أشكره

كلّ حزنٍ في غيابك لي مُباح
ــــ والأغاني دون صوتك |مُنكره

راح في يدّه شناطٍ من جراح
ـــــ ماترك لي شيء منّه |أذكره

 

[رزان العتيبي]

كُنت أتحدث أنا وهي قبل قليل ..
فاجأتني ب أنها طلبت منّي أبيات حزينه قبل فترة..
وأني لم ألبي لها طلبها ..
ف أقتنصني الحُزن ببيت يتيم .. علّهُ يغنيها ..
نـواري .. طلباتك أوامر


الحزن طفلٍ تربى داخل ضلوعي
ـــــ من يوم ربي جعلني للهوى أتنفس

 

[رزان العتيبي]

كان الوحيد اللي إذا ضقت له جيت
ـــــ وكان الوحيد اللي يلملم شتاتي

واليوم وحدي أجمع الحزن له بيت
ـــــ يمكن يلحّق مابقى من آهاتي