بيت العنكبوت ..!

[دانه بنت عبدالله]

ودي اشتكي لك منك وتنصفني .. ودي بكل وضوح احكي لك عن ضيقتي منك
وعن اللي اسمعه بدون خوف ..
ودي أحكي لك عن حكيهم .. ودي اصرخ بوجههم تكذبون ..
مدري ليه سآعآت أحس انك أنت ورآ كل هالحكي ..
وسآعات أقول .. مسكين مآهو دآري وش يصير ..!

أختكـ أنا ماني غريبه .. وإلا نسيت ..!
نسيت إنك وعدتني تكون لي الأخ اللي فقدته ..؟!
ودي اواجهك واقول اللي في بآلي .. لكن ماعدت تثق فيني
ماعدت تفتح لي قلبك .. ولا تبيني افتح لك قلبي واحكي لك عن الآمي ..
مو مهم أحكي بس أبيك أنت تحكي ..
ماتدري خوفي عليك أكثر من خوفي على نفسي ..
مو حآس إني أحاتيك .. ولا حآس إني خآيفه حكيهم يجرحك ..؟!
ادري جرحتك لما حسستك اني اكرهك .. لكن جرحي أكبر ..
لما أسمعك تتذمر من وجودي .. تتذمر من سؤالي ..!

اخترت لما أحتآجك ابتعد عنك ..
واحبس في عيني الدمعه واصرخ بـ / آآهـ
مدآهآ يلف الكون ويرجع لي صدآه ..
تدري ليه ؟
لأنك صميت أذنك عن آهآتي ..
وغضيت بصرك عن دموعي ..
وصرت تهملني .. وتجرحني .. تهمل دمعآتي .. وصرخآتي ..

أنا برحل عن عآلمك
لجل ارضي خآطرك
ولجل انثر دموعي وآهاتي
بعيــــــــــد
بعيــــــــــد
بعيــــــــــد

...... في " بيت العنكبوت " وبس ..

واذا يهمك تعرف اخبآري ..
وتطمن على أحوآلي ..
تعآل واستأذن عنكبوتي .. وقلب الصفحآت ..
بتلقآني ابكي .. اضحك.. اصرخ .. اتنهد .. ابتسم .. اسكت ... بكل حآلاتي

ولك أنت .. اللي عنونته " لك أنت فقط "

لايهمك سوآه
ولا تتعدى مدآه

لأن في غيره ..

أسرآري .. وأحلامي .. وندم عمري .. وأمنيآتي ..

,