الضيق ماهو بالسعه والمساحه... الضيق لا ضاقت بك قلوب وارواح !

[محسن الدويخ]

بعد التحيه .....
.
.
.
الضيق ما هو بالســـعه ... و المســــاحه


الضيق لا ضاقت بـــك قلــوب و ارواح
.
.
.
.
والبعد عن ما تكره النفــــس ... راحــه


من لا تــوده ... فارقه يــــوم ... وارتاح
.
.
.
.
وتبســمك بوجيــه ربعـــك ... سمـــاحه


خلك بشــوش ... تعيش بــ أيامــك افراح


.
.
.
.
وحظك يعـــزك من يرفـــرف جنـــاحه


يجيــب من ودك يجــي لـــك ولو راح


.
.
.
.
والكبــــر لــلـــه ... والتكــــبر بجــاحه


والوقت نصه "جـد" ... والباقي "مزاح "
.
.
.
.
والصوت حشـــمه ... وارتفاعـه وقاحه


كذاب ... من قال انطــح صياح بصياح
.
.
.
.
والحب يبدل صحــراء الايـــام واحــــه


اذا حضر ... يلغــي مسافـــات وجراح
.
.
.
.
و أما الزعل ... لا بد تكبـــح جمـــاحه


اصبر تشوف ان الفــــرج بارقه ...لاح
.
.
.
.
والحق يثبت في كـــلام الصــــــراحه


مثل السمـــاء ما همها النجـــم لو طاح
.
.
.
.
بعض العيــون تشوف فيها ...شفـــاحه


ما كنها الا بس " نظـــرات الاشبــاح "
.
.
.
.
وعيــــون تاخذ هاجســـك لــ انشراحه


نظراتها تحنـــان ... والرمــــش ذباح
.
.
.
.
كم كحل ضم الشوق والدمع ... ازاحه


و ياما كحل يقعد له سنيـن ... ما ساح
.
.
.
.
ودنياك لو ضاقت بكـــل المســـــاحه


تلقى السعه والحب ...بقلوب وارواح
.
.
.
.
محسن الدويخ

 

[نواف التركي]

محسن الدويخ


البعد عن ما تكره النفس راحه /

صدقت يا محسن

نص رااائع يجبرك على التوقف للقراءه والأستمتاع بكل تفاصيله


صح قلبك
و
دمت بخير

 

[سلطان ربيع]

محسن الدويخ
حضورك
وعي
وهطولك حكم

 

[صالح الثبيتي]

محسن الدويخ

صح لسانك

حضور جميل نص رائع
خالص الود
صالح الثبيتي

 

[اسعد الروابة]

صح لسانك محسن


قصيدة طريبة رائعة

محبتي يامبدع

 

[مزيد المزيد]

محسن





شاعر من طراز خاص وفخم .. قصيده تفوح بالعقل


صح لسااانك مليوووووووون ولاهنت


دمت بخير

 

[قلبي المتيم]

صح لسانك ياخوي

قصيده رائعه وكلماتك جداً رائعه

ودنياك لو ضاقت بكل المساحه
تلقى السعه والحب بقلوب وارواح

رائعه جداً وننتظر الجديد منك

 

[عبير الشوق]

العزيز محسن

نص يستحق ان نصفق له بحراره
تحياتي لك ولقلبك

اختك عبير