إحساس يــ غ ــمر الأنفـاس

[رزان العتيبي]

فرشت لك صدري وقلت اقلط | أحياك ,
معاد يعنيني بهالـ كون غير إنت !

ورتبتني فرحة : على شان لقياك ,
وراح الـ عمر مابان طيفك ولا بنت !

 

[رزان العتيبي]

فيني قليل من الـ فرح , وأغلب تفاصيلي زحام
مابين : جرح | معاتبة | إحساس | وشويّة أرق ,

مدّيت أصابع وحدتي , بـ خطف من الـ راحة كلام ..
ينشلني من منفى الـ حزن , لين أشعر بـ كلي | غرق !

ياصاحبي مل الـ صّبح يجمعني من بعد الـ ظلام ,
قرّب ورتب لي عُمر يمكن الاقي بي | عِرق!

ينفض ملامح ضيقتي , يعتق طيوفك لين أنام !
وأحلم بـ قُربك دنيتي بنسى معاك اللي انسرق ,

 

[رزان العتيبي]

لـ صديقة ما !





استفز الصبح : بـ شوية كلام ,
عن كثر مابي لـ أوقاتك حنين ..

سولفيني للمسا قصة خصام ,
من فقدتك ماعرفت اشكي لـ مين !

أذكرك : أنسى تناهيدي وأنام ..
بين اشوفك حلم , لا بالله يقين ,

ارجعي تكفين إحساسي عدام ..
مابقى بي جرح إلا قال وين !

وين أيامك , تفاصيلك | حرام,
كل شي يصير من بعدك , حزين !

( ماعرفت أنطق لغيرك بالسلام ! )
وإنتي قولي : لمنهو غيري تنطقين !

أبتسم لا قالوا بـ خير وتمام ,
وأكتئب إن قالوا إنك في آنين ..

.....................
...................
.................
...............
............
..........
........
......
....
..



قابلة للزيادة والنقصان والتعديل أيضاً

عباس إبراهيم ,

 

[رزان العتيبي]

للـ كويت !


هذي الـ كويت ! إن جيت أبي أكتبها ,
هجّت حروفي خوف : مدري ضيقة !

لا حس يكفي وإن بغيت أسكبها ,
عانيت أنا من حدسي | وتـ لفيقة !

كلمة بسيطة , والله أستصعبها ,
لـ أنها كبيرة : والـ كذب لا ما اطيقه !

ياحرفي إصحى ردّ لي : م أصعبها ,
أنثر غلاها , ماهي بـ تصفيقة !

هذي الـ كويت ! أكبر بها وبـ حبها ,
يـ الله تْحَفِظْها للـ زمن | وتعيقه !

كل شخص ناوي إنه يـ خربها ,
يارب حلمه يصعب بـ تحقيقه !

 

[رزان العتيبي]

المشاركة الأصلية كتبت بواسطة رزان العتيبي

كلمة بسيطة , والله أستصعبها ,
لـ أنها كبيرة : والـ كذب لا ما اطيقه !

الـ عُذر لم أنتبه لزيادة كلمة لا في الشطر الثاني ,
مما تسبب في كسر الـ شطر ..

كلمة بسيطة , والله أستصعبها ,
لـ أنها كبيرة : والـ كذب ما اطيقه !

 

[رزان العتيبي]

على طاري صباح الـ خير ,
وكوب الـ ق ه و ة المرة !
فـ بُعدك ماعرفت الـ خير ,
ولا صبّحت بالـ مرة !

 

[رزان العتيبي]

يـ ألعابي ,
كثار الـ يوم غيّابي ..
وأنا أستنى خبر واحد ,
يغيّب عنّي أتعابي !

ولا عادوا ..
ولاتنفست أنا أخبار ..
تقول انهم : لي اشتاقوا ,

وش اللي صار !
علينا هالزمن | جبّار ,
خذاهم حلم ,
وبقّاهم في عيني وهم !

كنا صغار ,
رسمنا حلمنا : قلبين ..
وسهمٍ مخترق نصّه | ولا مسّه ,
بـ أذى أو جُرم ..
وكتبنا في دفاترنا : إلى منّا غدينا كبار ..
بـ أصابعنا نبي دبلة ..
ونبي نكتب بعض أشعار ..
ونعزف ليلنا حفلة ..
وصبحٍ ماملاه غبار ,

وأناديهم ,
ولا أسمع صدى صوتي ,
وأنادي بـ صمت ,
يـ ألعابي ..
نسوا هالموعد أحبابي !
أو إن قلوبهم خانت ..
عهد مكتوب بـ كتابي !

 

[رزان العتيبي]

نبرة عتابك , وخوفك مع تعابيرك !
صمتك , حنينك بقايا ضحكك الـ مُبكي ,

أشيائك الـ غير وأشيا تختصر غيرك ,
أحتاجها إن حضنت وسادتي : أشكي !