عبد المجيد العنزي .. بأمس الحــاجــه للــويــلان ..؟!

[بدر الحنيف]

اسعد الله اوقاتكم ..

تـــوضــيـــح :

عبدالمجيد مبارك العنزي .. مبلى بدم .. وطلبت علية ديــة // عشرة ملايين ريال سعودي // 10ملايين ....

باتت تتقلس المدة المتاحة اليه .. فهنا الحاجة الحقيقية والماسة للوقوف بجانبة ..

اتمنى من الجميع مساندته في محنتة .. ولم يتبقى من المده ... ســوى 36 يوم .. فقط .

اليكم.. البوح المتواضع ..



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اقول الشاعر اليا غاب في وقته فلا به فود = اذا ما ساند لربعه بوقت ٍ دار دوراته
عسى قلبٍ خلت منه الحميا عشيته مضهود = لو انه من " جنوب افريقيا " باصله ومنشاته
قبل هذا لنا دين ٍ يجمعنا جسد مشدود = تداعا بالسهر .. لاضعر عضو فيه المرض لاته
تموت هنود ما تفزع على موت الهنود هنود = لكن اليعربي يفرق براسه دح نعراته
وانا شاعر من حمياه يقدح كنه البارود = بعد ما فار دمه والطنا يرفع شعاراته
لقيت ان القصية سافره فيها الركود يسود = ورى عبد المجيد وسكته واخطر ممراته
اقوول : الرجل لا عزوه ولا لابه مهب مفقود = ليا منه عثر داسوه ما يسند بعثراته
نداااء : لكل من يعرق بوايل يبذل المجهود = ترى ما ينفع اللي مات له ميّت مواساته
اذا ما هبّت الفزعه بغيث ٍ يحتمية رعود = فلا نامن على رجالنا في عز ضيقاته
واذا ما تاجد سيول المشاكل بالرجال سدود = فلا نشره على الوقت الغبّـر لازاد هجماته
على وايل ومن وايل حديث الماقف المنشوود = مادام الطيب يشبة للردى لا اقفا بحاجاته
فخر ماضي فخر حاضر حيود ٍ ترتكي لحيود = هنا .. عز امتداد لمجد ما تخفى علاماته
هنا ياربعي الويلان صوت ٍ بالوفا معقود = هنا صوت الحميا ما تلوذ اسمى عباراته
هنا تاريخ يجمعنا بـرابط دم عبر جدود = هنا عبدالمجيد وحشرجة صوته وهقواته
هنا للحر قوماته .. وفزعاته بدون حدود = هنا درب الكرامه تنتشي هيبة مساحاته
نشاما .. يا النشاما والتكاتف ماقفه محمود = على بر الامان .. العز ما تخفى مناراته
يا هيبات اللحى عصم الشوارب يا عيون الجود = بناخيكم بحاجتكم بوقت ٍ ضخ نكباته
هنا يا ربعي الويلان ينخا لابته ملهود = هنا يقرب بناخيكم من السياف خطواته
اعرف ان الوفا والطيب ما بين العرب موجود = واعرف ان العفون .. عفون .. لا وده والا هاته
اقول بهيبة الحزمة ..يصير العز ثوب العود = اذا قام الزمن في شن غاراته بميلاته
عرين اسود لو طال الزمن يبقا عرين اسود = على عز المراجل ماهو التصويت في شاته
بحاجتكم بناخيكم يا ربعي والامل معقود = ما بين عيونه الا السيف .. واخوانه وخـيـّـاته
بعد ما حدته دمعات لامه .. والهمووم بزوود = وغصة حزن ابوه .. بعبرته .. ترسم نهاياته
تجن جنونه اللي طيّحت من صبره العامود = بليل ٍ قام يتغذى سهر عينه ولا باته
اذا ما يسند الواحد ظهر واحد حسود يسود = وربي ما نساير هالزمن وسط انعطافاته
الا يالله تسهله بعطفك دربه المدود = الا يا الله تهون مصيبته .. وايعيش راحاته
الا يا الله تضمه رحمتك يا القادر المعبود = وتـّسخر له قلوب الناس وتفرّج معاناته[/poem]





دمــتــــــوا بــــســـلام ..،،

 

[محمد الضويحي]

آمين الله يسخر له أهل الوفاء والحميا والجود

قصيده توشحت بثوب الفزعه الوايليله الأصيله

وهنا ... اضم صوتي لصوتك وينكم يا هل النخوه

عبدالمجيد برقابكم .... لاتخلونه ولو كل وايلي فزع

كان بأول يوم أستكملت الديه المطلوبه ...


بدر الحنيف .... وايل قبيلة فزعه ونخوه ... لها بإذن الله وماراح يقصرون

 

[خالد صالح الحربي]

:

أضُمّ صوتي لصوتك يا بدر ..
مثل هذه القضايا يجب أن يُنظَر لها من منظُورٍ إسلامي وإنساني .
يعني القضيّة لسيت حِصراً على قبيلةٍ دون أُخْرَى .
مهما كانت معنيّةً بالأمر أكثر من غيرِهَا ..
إحترامي وتقديري لك وَ لِسٍعيِك للخير ..
متمنياً أن يَفرِّج الله كُربَة عبدالمجيد ..
وَ يُصَبّر أهلَهُ على هذه المِحنَة .

 

[عبدالله ثويني المانع]

..

تم تثبيت القصيدة لأهمية موضوعها ولغايتها السامية .


شكراً بدر الحنيف .

..

 

[سلطان المسلط]

بدر حنيف


اولا جزاك الله خير على هالبادره الطيبه

ومهي غريبه عليك




اعرف ان الوفا والطيب ما بين العرب موجـود
واعرف ان العفون .. عفون .. لا وده والا هاته



مودتي يابدر



سلطان المسلط

 

[ماجد صخنان العنزي]

الله


الله


ماأجمل من القصيده الا طيبه قلبك ونخوتك وحميتك وغيرتك


والله يابدر حتى الكلام ضاع مني


جد مدري وش اقول


لاكني متاكد ان الويلان مايتركون من هم مسؤلين عنه


مايحتاج لاتصويت ولا دعايات ولانشرات اعلاميه ولاهم بحاجه لطلبه الاعلام والتوسل

عرين اسود لو طال الزمن يبقا عريـن اسـود
’’’’’’’’’’’’’’’’’’على عز المراجل ماهو التصويـت فـي شاتـه


ان شاء الله يرجع عبدالمجيد ينام بفراشه


لله درك من شاااااااعر يابدر


قبله على راسك

 

[نواف التركي]

بيّض الله وجهك يابدر , لمثل هذا فلنصخر الشعر , الله يفك أزمته بأذنه تعالى , وما يقصرون ربعه وكل أجودي .

 

[سلطان ربيع]

دائماً تكون في المكان والزمان المناسب

الله يفك كربته وكربه كل مسلم