جاني شعور انك تبيني وجيتك
احس بأحســاسك وانا في مكــاني
أبعد ولكن في خفوقي لقيتك
متربعٍ ما بين ذيــك المحانـــي
يا قرة عيون الغلا ما نسيتك
طيفك يناجيني وشوقك دعانــي
وان مرت الذكرى بفكري دعيتك
اشوف عينك ما ارتوت من حنانــي
وان ضاقت الدنيا بعيني نصيتك
اجيك كني مبتسم لي زمانــي
لو تلمس احساسي جفا ما رجيتك
معطيك قلبٍ بالمحبه عطانــي
يفز قلبي كل ما مر بيتك
واذكر زمان فات مر ونسانـــي
تبقى القلوب كبار مهما جفيتك
ويبقى غلاك بداخلي ما جفانــي
عطني ولو مره مثل ما عطيتك
امكن تعاني مثل ماني اعانــــي
( الأمير / سعود بن بندر )
آخر المشاركات
07-18-2011, 06:04 PM
العرض الشجري