هذا وطن منه انسرق قلب وعيون
هذا وطن تقطع يساره يمينه
هذا وطن في داخله شعب مسجون
حريته صارت لغيره رهينه
تبحر سفن ..لكن سفن دون مضمون
حصار دوله ماتفكه سفينه
حمامته تقتل على غصن زيتون
وإغتيلت حقوقه تحت ظل تينه
يصرخ بصدره قدس ويرد مغبون
وينه صلاح الدين والقدس وينه
مابه صلاح وقدسنا فيه صهيون
ولا بعد غبن المذله غبينه
يامسلمين ان كان للسلم تسعون
صهيون تطعن بالسلام وتهينه
بالدم تغسل وجهها غدر وتخون
وحنا نطالب بالسلام وسنينه
صهيون تعطينا من الذل عربون
لين استحلتها مدينه مدينه
اليوم صار العز بالحرب مرهون
موتة شرف ولا حياةٍ مهينه
لـ الشاعر / عبدالله ناجي العقيلي ..
آخر المشاركات
11-01-2011, 07:44 PM
العرض المتطور
