( هدوء مُتناثر ) ..!

[مرضي البلوي]

/

إن جيتني عادي وإذا رحت عادي
بيني وبينك صارت علوم وعلوم

إن جيتني بالصبح ، رايق وهادي !
وإن جيتني باليل ضايق ومهموم

[ يا اللي تموت بطيبتي وبسوادي ]
حالي مثل ما كانت اطيح واقوم !!
...
آموت .. لكن ماتموت المبادي !
وكلن بقدره عند الأجواد محشوم

فضلت عن وصلي ضناي وبعادي
وفضلت أنا ابعد عن الحُب واشوم !

ليه اتبعك ؟ واصرخ بصوتي وانادي
وكل شي قبل يصير للعبد مقسوم

الجرح مهما كان حسب أعتقادي
يبرا ولا يمكن على حاله يدوم

بكمل المشوار .. والقى مُرادي!!
واجمع على النسيان والصده عزوم