.. وشوشة

[ناديه المطيري]

[poem=font="simplified arabic,5,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
لوجيت أسولف للحزن عن غيابه=ألقى الحزن يحكي غيابه أغاني
لو جيت أبكتب ماقويت الكتابة=وارجع أجر أذيال خيبة زماني
مالي على صد المشاريه لابه=تفزع لقلب ماوطته الاماني
لو كان حلم الما بآخر سحابه=لا هج من صدر العطش والمحاني[/poem]

 

[ناديه المطيري]

هذا الحزن لو يجلس اليوم عندي / / كان اختنق من كثر ماني حزينة

 

[ناديه المطيري]

خيّبت ظني فيك وانكسرت أشياء / / في داخلي يومن عنادك كسرني

 

[ناديه المطيري]

جف المدى والدرب مابلّل الريق / / ماغير يثني خطوتي عن مداها

 

[ناديه المطيري]

المشهد الأول//

مقهى ,, طاولة ,, قصاصات أوراق أتخمها الشعر/الألم ,, فناجين قهوة فارغة ,, فنجان قهوة بارد ,,عازف يعزف في الركن القصي من المقهى ,, وفتاة تجلس وحيدة سوى من حزنها

( مقهى الحزن )

[poem=font="Simplified Arabic,5,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
فنجان حزني مِنْسِكِبْ فوق الأوراق=ياكِثْرِ ماعنيّت "نادل" قصيدي
(فنجان ثاني هالمسا الهم رقراق)=إمّا كِسرته أو كِسر فيّ قيدي
أَمسح بقايا هالحزن وانطر إشراق=ويْسيل حبر الليل من داخل إيدي
حتى امتلا الدفتر ألم / دمع وفراق=قلت أبَكَمِّلْ آهِتي في وريدي
ودي يواسين الفرح لحظة عْناق=ويقول لي: (والله ماكان صيدي)
حاولت أكيد الدمع وتْجف الأحداق=لكنّ منديل البكا رد كيدي
دوْزنلي العازف فرح لحن الأشواق=وبداخلي دوْزنت حزني / نشيدي
و"النادل" يلملم فناجين عشاق =وانا وحيدة آتبعثر فـِ / بيدي
البعض غادر والبعض مابعد فاق=والبوح أدمى بالحكايات جيدي
تعبت أسولف للورق حد الارهاق=والطاولة ضاقت بكثرة قصيدي
حتى فِضى المقهى ولمّيت الأوراق=وآنا أمنّي النفس بْقْدوم عيدي[/poem]













المشهد الأخير //

المقهى فارغ سوى من نادل يعيد ترتيب الكراسي ...

مجلة وهج العمانية عدد مارس 2009

 

[ناديه المطيري]

[ ياطيـــــر ]

[poem=font="Simplified Arabic,5,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
*"ياطير ياطاير على اطراف" دنياي="لو فيك تحكي للحبايب" حكايه
ياطير علّمهم تفاصيل أشياي=واني وحيدة بين صمت المرايه
واني سئمت الليل يترصّد خْطاي=يسكب ظلامه في كؤوس ارتوايه
سولف لهم عن طفلة الروح جواي=ترسم براءة في ملامح خَطايه
طفلة تنادي للمطر صوتها ناي=تعزف على اوتار الغيوم بسمايه
ياطير سولف كيف كانت خطاياي=يوم اتعثّر وارتمي في الوشايه
قبل انتثر شعرٍ تحدّر من اقصاي=ثم اشتعل بآخر قصيدي غوايه
أبرتحل عن أرض ملّت من بْكاي=أو ادفن بداخل عيوني بكايه
بوشوش الليلة بدافي حكاياي=واعلّق خيوط النهار بضوايه
ابرتوي حلمٍ تبلّل برجواي=من قبل يستوطن شفاهي ظمايه
أبي وابي ابي وابي لكن الجاي=رغم الأمل /صعب يتحقق معايه
ياطير تعبت خطوتي تطرد الماي=واثره سرابٍ في طريق النهايه[/poem]

* فيروز
"فواصل" عدد مارس 2009

رؤية المصممة ( سارة اليوسف ) في مجلة فواصل عدد ابريل 2009 ( ابداع في التعبير عن الفكرة )

 

[ناديه المطيري]

سعدت بقراءة نص الغالية رزان العتيبي الجديد ( حصرياً )

ياخطوة البُعد ضمّي آخر أنفاسي
ــــ يمكن ليا ضاق يتنفس ويذكرها

فانثالت القريحة بين أصابع اللحظة وكتبت






[poem=font="simplified arabic,5,black,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]الليل يسألني ( ليه تبلّد احساسي؟ ) =وانا سألته (دموعك ليه تنثرها؟)
جاوبني الليل يومن فزّز نْعاسي =( من كثر ما دثِّر أحلامك وأسْهرها
من كثر ماطاح جفني وانكسر باسي =من كثر ماتسْهر عْيونك / اسامرها)
[/poem]

 

[ناديه المطيري]

أحس إني غصن يابس
أبي هالغيم يبلّلني
وتسألني
( حزينه ليه ؟ )
ما دام ( الغيم ) في يدّك
أبعرف : ليه تهملني ؟!!
وقف ردّك
على اطراف العجز والتيه
بعد هذا
ومن جدّك
تسائلني :
( أبرحل ليه ؟ )