[ صوتك : الدافي منافي ]

[عمر المسفر]

.
.

الإنتظار : ملامح .. وزحمه وطأطأه وحنين وتدخين

وأنتي : أنتي
كم تنفستك .. وصل
والفصول الأربعه تفقد فصل !
والخريف اللي نعتّه بأكبر الغيّاب فينا
لو يخلينا .. نغنينا .. نبينا !
ماندهتي لـ الحضور
ليله البارح .. خذت مني شعور
وصرت أحس أني أحس !
أنك الأكذب بعيني
صدقيني
كل ما ينبت عتب
أني أتحرى بكائك
يا إلاهي
صوتك : الواهي ملاهي
لابكيتي
وصوتك الدافي منافي
لارميتيني .. رحيل !
ينكسر بوحي وأميل
لإغتراب الذات والليل الطويل
وش .. كسبتي ؟
لما أتنورس شواطي
والهموم اللي ملتني : طششتني !
حتى .. تستعمر شناطي
وين ما أرحل
تلبس الذكرى .. عيوني
صدقيني
لين .. أذبل
وأنتي : أنتي
كل ما مزقت .. للريح القصايد
تعرتيني
تختنق نبره نشيده !
لين .. أتنهد يقين
أن هذي الليله .. غربه
أن هذي الليله .. شاعر راح يتبخر قصيده
فرحته ماتت .. وليده !
حتى .. أتكدس .. أغاني
كرد .. ناي
والسوالف صول .. نازف
والمدينه صامته .. والبال تالف
ليه .. تركتيني .. يعنيني .. حنيني ؟
تعبرين الحلم ريح !
ولا تخللها ورق
شفت .. صدري بالمشاعر يحترق !
ليت هذي الريح ماجابت حنينك يستبيح الـ ( آآآآآهـ )
لأني من عرفتك
حزنك اللي ماقدرت انسااااه !
وأنا آسف
لأن أفـ صوتك الدافي منافي
أخنقيني فيه عادي
قولي : بسم الله !

قولي : بسم الله !
قولي : بسم الله !
قولي : بسم الله !

.
.