عذراً إن صافحت قلوبكم بهذا الحزن على أرواح أهلنا الأبرياء في جدّه وهذه الصوره أبكتني كثيراً وأبكت الملايين لهذه الطفوله البريئه التي أزهقت بلا ذنب ٍ فَعَلَتْه سِوى انها دفعت عمرها وهي في عمر الزهور ثمناً لجشع من لم يؤدوا الأمانه من أهل الجشع والطمع من شياطين الأنس
ياذا السما صرنا نخاف المخاييل=وجدّه بها جرحٍ من المزن دامي
يا هو مسلسل رعب من غير تمثيل=واقع وفيه الموت مشهد ختامي
وين الصبر والصبر به طافح الكيل=وين البراد وجمر الاحزان حامي
ندفن أسانا في صدور المقابيل=وندفن حبايبنا وتبقى الأسامي
والسيل ماله ذنب يالايم السيل=الذنب ذنب المرتشي والحرامي
أنذال تنهب مِنْ وَطَنْ تَنْمِيَةْ جيل=كِبَارْ ما تحتاج ذِكْر الأسامي
للمختلس برد وسلام وتساهيل=ينهب وَيُصْنَعْ لَهْ غطاءٍ نظامي
يا طفلتي والصدق مجروح بالحيل=وحاله مثل حالة كسير العظامي
وطفولتك أرخص ثمن للأباطيل=مَاهِي بِرَمْيَةْ طيش من غير رامي
ملّت مسامعنا من القال والقيل =وإعلامنا لاهل المناصب مُحامي
والسالفه ماهي بحاجه لتفصيل=الوضع طينه والضمير إنهزامي
أهل الأمانه تنوصف بالمهابيل=ولاّ الحرامي في بلدنا عصامي
ومادام صبح العدل يفتك به الليل= الحقّ يبقى الحقّ جايع وظامي
ومادام غاب العدل في حضرة الميل=نامي لساعة بعث الارواح نامي
يا طفلتي نامي وخلّي لنا الويل=وأنا بشيّد عند قبرك خيامي
يا طفلتي مهما شربت الغرابيل=بقولها وادفع نتيجة كلامي
التنميه يا طفلتي كذبة أبريل=يعني مُرَكّبْها مُرَكّبْ هُلاَمي
[/poem]
آخر المشاركات
12-21-2009, 10:21 PM
للمختلس برد وسلام وتساهيل(إلى هذه الروح البريئه)
العرض الشجري