طيور مهاجره ..!

[محمد الناصر الشهري]

ما علّموك إنّ الغياب آخر متاهات الحضور ..
....................................... وإنّ المواني من رحيلك حضن خالي الأذرعه ..!

البوح أشوفه لو نطق شايب على هيبة وقور ..
....................................... والصّمت ماله في بَعَضْ أحيان أية منفعه ..!

لا تبعد الخطوة وانا ما بين نار ٍ فيه نور ..
....................................... شمعة على ليل السّهر هلّت مدامعها معه ..!

ما علّموك إنّ القصور بْ غيبتك مثل القبور ..
....................................... وإنّ المعاني من رحيلك وجه ماله أقنعه ..!

ما علّموك إن الحروف أنبل من إعلام وْ ظّهور ..
....................................... وإنّه إذا حرفي شدى أبيك جنبي تسمعه ..!

الشّعر لو قلته طيور مْهاجره .. صارت شعور ..
....................................... لو جاش صدري به تشوفه جاش صدر الأشرعه ..!

للشوق صوت وكان صوته .. في لَحَن حزنه سرور ..
....................................... يسري إذا شكّل جهه .. ضمن الجهات الأربعه ..!

ماعلموك إن الدقايق والثّواني ما تدور ..
....................................... ساعة عقاربها بيدّ الضيق .. بس مضيّعه ..!

الثانية حسبة شهر .. واليوم في حسبة دهور ..
....................................... تحسب دقايقها ألم يختال وسط المعمعه ..!

أحتاج لك مثل المطر .. وآخاف من عقبك ضمور ..
....................................... والقاك في ضيّ الأمل .. في داخلي لك أجمعه ..!

لو كان للضّمة بعد فرقاك أخطار العبور ..
....................................... هانت عليّ إلا طعون ٍ في غيابك موجعه ..!

ما علّموك إنّه أنا اللي كان في وسط السّطور ..
....................................... إنسان عايش بالشّعور اللي يخطّه إصبعه ..!

.
.

محمد