وتــر خامس..!

[خليل الاحمد الشهري]

.
.
.
[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحة والحزن طرقي على الباب=وآقف وصوت الريح تغويه يلفي
يشعل صدودي صالي البرد وارتاب= خوفي يواريني ورى وعي سخفي
شف هالسحاب عروش لكن بلا اعناب=قلِّي وكاسي كف ودعاي غرفي
صبري هزيل ورغبتي تصنع حجاب=والدعوة الثكلى على هار جرفي
ياراحلٍ للشمس خذني لك ركاب=وان مارضى الغيَّاب حاضرك معفي
المشكلة كلِّي يبي منك الاسباب=غايب وعذرك مااقنع اليوم نصفي
صعبة اقول الحب يصنعلك احباب=بس الاكيد البغض للبعض يشفي
ارسلت ادور فالسما طير وشهاب=عيني رسول وشوفتك رد طرفي
راجع حنين وخفِّك اليوم ما جاب=غير الوعود وكذبة الصبر نسفي
صدرٍ تقايد خوف لو ساير اصحاب=عينٍ تزايد شوف في ليل مطفي
الشمع ذايب وجد والآدمي ذاب=شفني وسط هالليل معتاد حتفي
(وجروح قلبي لك وتر) بس زرياب=مادوزن عروقي ولاجاد عزفي
مليت أدوّر سم واتحايل الداب=مليت اسِم الداب بذحاح نزفي
عاشق وحيد ولامعي قوس ونشاب=لجل آتحاين هم مذبوح خلفي
لو كان هذا البرد ميلاد حطاب=يمكن يكون الصيف ميعاد قطفي
[/POEM]