اوراق مبعثرة!!!

[محمد علي الثوعي]

بسم رب الخلق نبدا ذاكرينه
.......الإله الفرد ..من ..ساق ...المخايل
نحمد الله حمد منهم شاكرينه
.......من هدا المسلم على فعل الفضايل
والشعر عن.. كل.. زله ..مبعدينه
.......ماكتبنا ..غير ..الابيات ...الجزايل
قدركم ..حنا ... ترانا ..حافظينه
.......يا رجال الطيب ياعيال الحمايل
والوفاء.. بين.. الاوادم ...خابرينه
.......العرب ..تعرف ..تفاصيل ..القبايل
في جنوب المملكه والا المدينه
.......في تبوك الورد .. والا بعد..حايل
شرق .. والا غرب ..كل ٍ ..عارفينه
.......نرفع التقدير ..في ..كل ..الوسايل
التحيه .. للرجال .. اللي ..فطينه
........مكرمين الضيف.. ذربين .الفعايل
مدركين ...الّحق ..حنا ...مدركينه
........ ماجهلنا طيبكم يا اهل.. الجمايل
شعب واحد من تعنصر رافضينه
........عندنا .ماله قدر من.. كان عايل
السفينه .. بامر .. ربان ...السفينه
.......ماتهاب الموج ..الازرق .والهوايل
قادها .. سلمان .وافكاره ...رزينه
........حافظ .. التاريخ للامجاد .طايل
من يروم العز.. وعروقه ...متينه
.........طيّب المنسب ومحمود الخصايل
ضربته دايم على الاعداء مشينه
........سيفه البتار يعدل ..كل ..مايل
يسنده فارس وربه ..من ..يعينه
........صاحب الرؤيه ..محمد .. للثقايل
طور الدوله عسى تبطي ..سنينه
........مركزه دايم من أصحاب الاوايل
دارنا ...حنا ...ترانا ...محتمينه
........عندنا ..تاريخ ..وأفعال ..ودلايل
اليدين ..اللي.. تصافحنا.. ثمينه
.......والقلوب.. اللي ..تعادينا ..غلايل


*#محمد_الثوعي*

 

[محمد علي الثوعي]

قصة واقعية!

شاعر معروف يكتشف بالصدفة! بعد مضي عشر سنوات واكثر ان زوجته شاعرة تكتب باسم مستعار . عندما دخل احد البثوث وسمع صوتها تلقي احدى قصائدها! المفاجأة كانت صادمة بالنسبة له! كانت تراسله
وتحاوره وتجاري ابياته كتابةً.
الزوجه مخلصة محافظة متعلمة
عاشقة لزوجها !مثابرة في تربية
ابناءها .
لم يصارحها .لكن فجأة تغيرت حياته. هي شعرت بذلك تعامله معها لم يعد كما السابق!
بدأ في اهمالها !يخرج من المنزل كثيرا.تتحدث معه ولايرد.
دخل قلبها الشك. ان هناك انثى أخرى سكنت فؤاده. بدأت تبحث عن دليل بين اوراقه ودفاتر اشعاره!
أصيبت بالدهشة عندما وجدت بين اوراقه آخر قصيدة نشرتها!
وقد كتب الزوج تحت الابيات الان اكتشفت الحقيقة!
نامت قريرة العين ولم تصارحه!
بالأمر حتى الآن.


محمد الثوعي

 

[محمد علي الثوعي]

ياطير ياشادي بعذبات الالحان
دام الفضاء ملكك رفيع ٍ ..وقارك

وش نزلك للقاع ياطير الاشجان
لاصرت فوق الأرض تفقد قرارك

حزين شفتك بين كفين سجان
قص الجناح اللي يحدد مسارك

انسان فاقد للمشاعر والاحسان
ياطير غرد وانت خارج مدارك

محمد الثوعي

 

[محمد علي الثوعي]

رجل ٍ جويد الساس .مهما .يعاديك
وتصير ..مابينك ...وبينه ..خصومه

يقول. عنك. الحق .بالخير ..يطريك
يمدحك. عند الناس .طابت ..علومه

هذي ..سلوم الطيّب ..اللي .يشاكيك
ماكنت ..تدري ..عن ...مزايا سلومه

احرص . على وصله .وكرر..مساعيك
لا تخسره ....لاتحقره .....لا ...تلومه


محمد_الثوعي
فوري

 

[محمد علي الثوعي]

جديد

لا تبادر في الهجر تخسر خليلك
........بعد ذيك المعرفه تقطع ..وصالك
واصل المشوار مابجهل .جميلك
........شفت قلبي راح يمك..وانتحالك
لو تقول الناس قلبك هو...دليلك
........مابقالي قلب من.. سطوة دلالك
المشاعر في ضميري ..تستميلك
........ودها ترضي. غرورك ..وانفعالك
لازعل قلبك معك يتعب. عميلك
........من يحبك صار حاله مثل حالك
من تفيا .تحت. ظلك .يستخيلك
........ غيمة ٍ بالعشق تستمطر .مخالك
من كثيرك. .ما لقيت. الا ..قليلك
........من قليلك... طبت والعزه .لفالك
في صباحك كنت والافي مقيلك
.......في حضورك مختلف هذامجالك
ردفك اللي منتثر فوقه .جديلك
........شال حمله ما تردا ..واشتكالك
فتنة ٍ مالك شبيه ٍ وسط .جيلك
........يافريد الحسن يامصعب منالك
منبهر .كلي وانا. جالس ..قبيلك
.......عطرك الفواح من صدرك وشالك
ماقدرت انطق بكلمه واشتكيلك
........عن ضياع .العمر والغربه مهالك
كم شجاع ٍ بالمحبه ..ينتمي لك
........سلمك سيفه .ودرعه .والتجالك
احترق والشوق مايبرد ..دخيلك
........غير في وصلك .ولا ودي بدالك
اذكرك لازلت والطيبه ..حصيلك
........مانسيتك..والعطا اجمل خصالك
يوم زرتك بالمسا من سلسبيلك
......ذقت شربه ضعت كلي من جمالك



محمد الثوعي

 

[محمد علي الثوعي]

الله يسعد صباحكم بالخير والمسرات
وجعل أيامكم كلها صحة وسعادة.

 

[محمد علي الثوعي]

ماني بمحتاجك ولو كنت محتاج
صعب ٍ على مثلي يبيّن خضوعه

لو كان حبك داخل القلب وهاج
لا علنت صدك عندي نفس ٍ منوعه

القلب عن نهج المطاليق ماماج
لا تعتقد نفس المولع خنوعه

مافي يديّه قيد واحتاج الافراج
جيتك بكيفي يامغيّر طبوعه

صادق معك لبستك العقد والتاج
والحب بين الناس يكثر شيوعه

لا صار مابه حب ولا فلة احجاج
ماني من اجلك من تساقط دموعه

لبست ثوب العز والصيت قد راج
رجل ٍ تهمه سمعته في ربوعه

تركت سكان المداين والابراج
اللي على وصل الحبايب طموعه

ابحرت في مركب تحديت الامواج
الرغبه تدفع شخص حبك يروعه

سلكت درب العشق والصبر منهاج
النفس تعبت من غرورك جزوعه

لقيت في قربك متاهات واحراج
شريت راحة قلب يرفض رجوعه

طويت صفحة حب وانهيت الازعاج
كل المشاعر من غرامك قنوعه


محمد_الثوعي

 

[محمد علي الثوعي]

ياللي كتبت الشعر عذب الترانيم
اجاوبك والقاف حسب اعتمادي

تكتب وترسل من جديد التعاميم
لكن مناديبك غدت وسط وادي

واللي يحب الشعر جاد المفاهيم
يعرف مضامين الكلام انحيادي

شاعر محنك تلتزم بالتعاليم
واليوم نهجك مختلف ياعبادي

اظن قلبك سلم الأمر تسليم
واصبحت عاشق يارفيقي وغادي

مجنون ليلى عاش ضمن المظاليم
واظن ليلى ماتجيب المنادي

تاريخنا فيه الحكايا مباهيم
من زوّره غيّر جميع المبادي

حنا عشقنا والمشاعر مقاسيم
واللي بباله حاضرٍ في فؤادي

اوراق حبه ماهي مثل المراسيم
ماتنتشر بين المدن والبوادي

شاعر ولكن عندي فكر ٍ وتنظيم
مبعد عن ارباب المكر والفسادي

ماجيت في درب الخطا والملازيم
ياكثر من يفرح بعثرة جوادي

يوم الخيول المسرجه والمجاهيم
الناس تعشق تحتفظ في الودادي

ماينقصك في الوقت فهم ٍ وتعليم
لا تعتذر واللي حدث صار عادي

الطيب يبقى بالرجال المحازيم
مادام كل ٍ عن رفيقه يفادي


محمد_الثوعي