مُتنفس .. شِعري !

[رحيل]

ليتني طير إلى من ضاق رفرف به جناحه
لا تضايق حرّك الجنحان لحدود السحابه

يرتفع حتى يبدل ضيقة الصدر انشراحه
يعتلي النسناس ويعانق به النوّ وضبابه

لو يروح بعيد ما أحد يسأله سبة مراحه
ما هو بمثلي يفجّر ضيقته دمع وكتابه

لا نوى ما هو يحسّب فرق بعد ولا مساحه
ولا يحاتي لا لفى بأرض بعيد ولا قرابه

ما يفكّر غير في لمة جناحه وانفتاحه
لا بغى ينزل بنهر وان بغى ينزل بغابه


صاحبي والحظ الأ قشر قلّد أيامي وشاحه
يسقي أيامي دموع ويطعم الظلمى كآبه

ليت قلبي طير لا من ضاق رفرف به جناحه
لا تضايق حرّك الشريان لحدود السحابه .

جبتها عالجرح يا ابن فطيس 💔