هـذا آخر الميعاد مع دمعة العيـن ..

[حسام المجلاد]

هـذا اخر الميعاد مع دمعة العين
اللي مضى مـن سيرة الدمع يكفي

ولا انت ميعادك مع الدمع .. بعدين
لا جيت تشعل شمع عذرك .. ويطفي!

اللي كسر ظهر الاحاسيس .. ثنتين
يا ما نزف .. مـن بعدها الدمّ .. حرفي

امرين .. قلبي ذاق منها .. الامرّين
تصديقي .. لسانك وتكذيب .. طرفي!!

اخطيت .. ياقلبٍ حجر واذن من طين
اذا اعتقدت .. انك من الهمّ معفي

باكر .. إذا ضيّع ندمك .. العناوين
.. وإذا غدى درب .. المواعيد .. مجفي-:

وإذا القسى هبّ .. ومحى جرّة اللين
والرّيح .. عن متني رمت ثوب عطفي

مـن وين تلقى لي شبيه .. وعلى وين
تروح .. لا عيّت لياليك تصفي ؟؟

تعال .. قبل اوادعك .. نجلس الحين
اسمعني .. وخذني .. على قدّ عرفي

تعال .. نجلس .. مثل كلّ المحبين
كرسي لزيفك .. كرسي لصدق نزفي!

بجلس معاك شويّ .. واعاتبك لين
اصحّي ..جروحك من النوم .. واقفي!

 

[سعيد الموسى]

نص فاخر ياحسام ، زاخر بالشعر ، ماطر بالعاطفة

 

[عبدالرحمن الحربي]

لا جيت تشعل شمع عذرك .. ويطفي!
ماأجمل ماكتبت ياحسام،
كل الشكر لك ولهذا الشعر 🌹

 

[حسام المجلاد]

المشاركة الأصلية كتبت بواسطة سعيد الموسى

نص فاخر ياحسام ، زاخر بالشعر ، ماطر بالعاطفة

اشكرك شاعرنا كلك ذوق 🌹

 

[حسام المجلاد]

المشاركة الأصلية كتبت بواسطة عبدالرحمن الحربي

لا جيت تشعل شمع عذرك .. ويطفي!
ماأجمل ماكتبت ياحسام،
كل الشكر لك ولهذا الشعر 🌹

تسلم شاعرنا عبدالرحمن على وافر كرمك

 

[عبدالإله المالك]

الوجدانيات تعلو على السفح وترقى إلى عنان السماء عندما يشتعل أوّار القصيد إيذانًا للخصب بعد الجدب لينهمر الودق على جنبات قارعة القصيد
حسام مسك من الشعر الزمام وحاز على لب الأنام وقد سبق عذله الحسام سليل البطولة والرجال الكرام سادوا العروبة في القعود والقيام ، يزهو الشعر بفارس مقدام جاب القوافي والأوزان والأبحر والأنغام بالمعاني والمباني وحلو الكلام
حييت يا حسام

 

[حسام المجلاد]

المشاركة الأصلية كتبت بواسطة عبدالإله المالك

الوجدانيات تعلو على السفح وترقى إلى عنان السماء عندما يشتعل أوّار القصيد إيذانًا للخصب بعد الجدب لينهمر الودق على جنبات قارعة القصيد
حسام مسك من الشعر الزمام وحاز على لب الأنام وقد سبق عذله الحسام سليل البطولة والرجال الكرام سادوا العروبة في القعود والقيام ، يزهو الشعر بفارس مقدام جاب القوافي والأوزان والأبحر والأنغام بالمعاني والمباني وحلو الكلام
حييت يا حسام

شاعرنا العزيز على القلب عبدالإله المالك
شكرا على وافر كرمك وسموّ حرفك
طوقتني بهذا المرور العطر..
أسعدك الله في الدارين