القَصائِدْ التّكْعيبيّهْ

[تركي الحربي]

[ 1 ]

توطئه لـ النّصْ

بُرجوازيه : وليله لولبي
ـــ كادح ٍ والفقر يلعبّه [ جذيـيـيه ]

شايف نفسه وهو جدا ً غبي
ـــ لابس ٍ نظارته يعني نبيه

إن نخيته : قال أنته طُحلبي 
ـــ يمتلك أراء واللي في يديه !!

صوره لـ لينين وكتاب أجنبي
ـــ مبدأه توزيع ثروات السفيهْ

[ ياااعنني ] والثقافه مذهبي
ـــ [ دابل ٍ جبدي ] : ولااا يسوى جنيه



النّصْ

والبنيّه بنت أصل ٍ [ مُتعبي ]
ـــ ذايبه في خشّته وتموت فيه

من بلاد العُربْ وأقرْب له دُبي
ــــــــــ بالدّلع مغموسه وتركب [ كوبيه ]

الـ [ فديتك ] تسبي الـ يَشْعُرْ سبي
ـــــــــــ من شفايفها : ولكن وش عليييه


THE END OF THIS STORY

المطر : يسقي الصبخ لو مايبي !!
ــــــــــــ وجعتين تدق ضلعينك جذيييييه

 

[تركي الحربي]

فيها من الغيم : كُلْ الغيمْ : في ليلة شتا / دافيه
ــــــــــ من سلطنة نور ، لـ كتابة قصايد شيخه الجابري


فيها عذوبة حروف الأسلمي [ والأسلمي طاغيه ]
ـــــــــ يعرف متى يستبيحك [ ياكثر مايعبث بــ ضامري ]


المُقبله بـ إبتعاد : الإختلاف : الآمِرْ / النّاهيهْ
ــــــــــ بـ أخير الأيام معها صرت أردد : جملة السّامري !

:
:
:
:


على نيّة : كِذَا وإلا ّ كذلكْ : يا عِنَبْ يَا تُوتْ
ــــــ أنا كلّي بداوه : وأنت متحضر : دخيــل الله


أعرف من الحضاره : كوب شاي وشيء من بسكوت
ــــــ يذوب أحيان فـ .. الشاهي يطيح ولا أقدر أشلّه :p


وأعرف الغيم يتشكّل من البحر : بشهادة حوت
ــــــ ويكون أحلى من التمره : قبل فنجال من دلّه !


وأعرف الأرض تأخذ شكل بيضاوي : وتحيا / تموت
ــــــ مثل ساعة رمل في وادي البلّور والـ.. " ظِلّهْ "


وأعرف إن السكينه في ليال الصمت تقطر صوت
ــــــ قنوط إيماء في أعماق غمد الروح و " تسلهْ "


وأعرف إن إنعتاق الروحْ من رِقْ الجسد / تابوت

نوقّف أحسن

[ نبيها ضحك وصارت كئيبه هالتكعيبيه إنعتاق وتوابيت الله يكافينا الشر ]