هــذا المـسـا.. للــ........!!

[جمال الشقصي]

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

:

فقدنا الما.. وقلنا عل بآخرْة الشوارع يم=فقدنا الخير.. لكن العمر باحزاننا ماشي
ثلاث عقود والبيت امنيات اربع جياع وأم=وانا اول واحدٍ من أربعتهم تثمر أحراشي!
إذا ما انهدت الجدران والحلم النحيف اندَمّ=باعلم من هدم بيتي يْتذكّر ياخذ فراشي
وصلنا الما.. وخذنا الناشف بْقاع الثرى يا عمّ=تعيش انته.. وانا جداً عزيز بصمتي الفاشي!!

:


[/POEM]

 

[جمال الشقصي]

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

\

أثر المَهاجِر يا يبه ما بها خوف=الخوف لا اضحت تربة المهد.. مهجر
شفني حزمت بشنطتي طين وحروف=وشكلت من حرف المواجيع متجر
أبيع حزن اللي ربوا فيني طيوف=واعمّر بدمع الندم صمت محجر!!

/[/POEM]

 

[جمال الشقصي]

\


ثلاث شهور..
والشقه حطب يغلي بدون جدور!
كتبنا للجماعه.. إنتوا الأجمل
وخطاكم لو هو المنجل..
نحسه طيبٍ مأجور
ثلاث شهووور..
ولا سَد (المعاش) مْن الرغيف كسور!
:
في هالشقه..
أنا ووجهي وجوع الذات
توحدنا بلا وجهات
وقلنا نسافر بّبحة سكوتٍ مرّ للاصوات
في هالشقه
صديقي اللي ملاني حضور..
مع انه من ثلاث شهور أبد ما فات!
:

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]والله يَا (احمد) هالأماكن مَا هي ليّ=رغم اني والله مفتديها بعمري
لي وحشةٍ تنما على وقع رجليّ=تقودني بلا وين من صغر.. صغري[/POEM]

:

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]سولف لي أكثر.. عن رجال المواقف=واذا خلصت.. اِحْكي عن سيوف وانصال
وباقول لك لو قولي هذر وملاقف:=هذا الزمان رجاله فحول الاقوال![/POEM]

:

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]ثلاث شهور يا (أحمد) وانا الشقه وانا البوّاب!=أضجّ بصمت موحش يحتضر في زاوية موته
فوانيس المسا يا صاحبي ما تشعل الأصحاب=لذا ما عاد لي غيري يشب سكوته فـ صوته!
معاشي.. هالرغيف اليابس بتهيدة الأهداب=موظف.. لكن فلوسه تجي صدفه ولا تفوته!![/POEM]



/