ستر وإضلال

[سعد المطلق]

عوادنزال المضياني قام بموقف بطولي يستحق الإشاده وهذا أقل ما نقدمه له.


[poem="font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]الشمس ماتحجب بمنخل وغربال=والعز وسم بين صوله وجوله

ماكل شارب يرهب الناس لا طال=هذا مثل بعض الخلايق تقوله

بس الشنب هذا.على وجه رجال=رجال نادر خابرينن فعوله

زم المراجل زمها يابن نزال=نطحت لعيون العفيفات دوله

الفزعه اللي روحت مضرب أمثال=طلع بها عواد وأوفى بقوله

يوم العماريه بكت تشكي الحال=طوح إعقاله وإنتخى بالرجوله

مامال يوم إن الزمن ياعرب مال=كسر مقادير الظروف بسهوله

إيه.إحتماها من قبل تاصل الجال=مازعزعت شين الصواديف طوله

قال أبشري لفيت لك ستر وإضلال=وركض لها وإخطاه تلهث عجوله

جاها مثل غيث على القاع همال=وتلفتت قامت تحرى هطوله

وأحيابها كل الأماني والأمال=يازين وقفات الوفاء والبطوله

حطوا لمثله مع هلا الطيب تمثال=وإن حل ذكره يالربع صفقوله

وزم المراجل زمها يابن نزال=طوعت لعيون القريبات دوله[/poem]