طق الكأس(وعيدكم مبارك)

[عبدالله سماح المجلاد]

المشاركة الأصلية كتبت بواسطة سعد المطلق

[poem="font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]نبي نكتسي للعيد حزن وندم ودموع=قبل تكتسينا من سواد الدهر ذله

يهل الشهر ورى الشهر تابع ومتبوع=تركنا القلوب لحزنها تنعم بظله

نداري غثانا كل ماصوت الموجوع=نرده عن حدود الرجاء قبل ياصله

عسى ماضوينا ليلنا للوداع شموع=بعد ما سمعنا ديرة العز محتله

مادام الأمل بالقدس ياشيخنا مقطوع=جعل ماطوانا الياس بعراقنا كله

رضينا نعيش بوضعنا الزايف المصنوع=من أول جنون الهيل للبن والدله

تركنا على جال الضماء مجدنا مفجوع=عسى الله يثبتنا على الحق والمله

وشمنا فتوحات الصحابه بوشم خضوع=قلبنا طريق أمجادهم للسهر فله

على أول طريقك يالمراقص ركضنا جموع=تنوض السيوف بساحة البست منسله

نهز الظلام بصوتنا العالي المسموع=على أنغام طق الكاس مع دبكة الشله

أنا أسف. شطحت. ولازم أغير الموضوع=على قولة أهل العرف ليه أشري العله

جبان.أعترف!للبهذله ما معاي ضلوع=وأظن القصيده هذي لـــ خالد المله[/poem]

نص ثاني

[poem="font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]يانايف سعود بالله قلي إشـ .شايف=تضيع لاصرت صافي قلب وحبيب

ياشينها يا رفيقي ضحكة الهايف=يوم إن عقلي يجي لحظات ويغيب

ياشيخ قلبي يلوج وحافه الحايف=من كثر ماجاه من صدمات متهيب

حاولت أداري غثاها وأزبن النايف=ياخوك طاحت قواي وشفني مشيب

لا شفتني فوق راس الرجم متهايف=أمانتك لا تباعد خلك قريب

تدري وش اللي يعل القلب يانايف=شوفة ملاذ العفن يضحك على الطيب[/poem]

نص ثالث

[poem="font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]الله يصبرني على هاجس الليل=ياعل همي محريٍ بانفراجه
أبطيت أعاني والعوض بالمقابيل=وأشوف زرعي ماتهيا خراجه
ياابن غثيث أردها للتساهيل=يزين جو وتقتفيه العجاجه
لا طحت عن حيلك ولوك الرجاجيل=تنقرك بالمنقار حتى الدجاجه[/poem]ومضه

[poem="font="simplified arabic,5,black,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]حاولت أبستوعب الفكره وخانتني =تخيل غراب طاير فوق مكناسه[/poem]

الغالي على قلبي
سعد المطلق
يكفيك أن الفكره
دائماً تأتيك بكراً
ولاعزاء للثيّب
رائع بكل ماتعنيه هذه الكلمه
يابومطلق
كل عام وأنت بألف خير
والشعر معك لنا بألف عافيه

 

[عاطف هادي]

صح لسانك وعلا شأنكنصوص جميل

 

[خلف المهيلان]

سعدنص جسدالواقع
المولم بنص شعري عانق الغمام
فينالاوالله مهي بشطحه الاعلى الجرح
كل عام وانت بخير والشعر بخير
لهذا وهبناالله الشعرولافلا
دم كمانقاك ياسعد مع ودي واحترامي
لك
خ

 

[فهد الصقري]

كل عام وأنت بخيرقلت فأجدت أتعلم بالفعللا طحت عن حيلك ولوك الرجاجيلللحق قرأت هنا مايسرنيكن بألف خير