[ ديوان الشعر الشعبي ]

م.خالد الدوسري · 12-11-2008, 03:31 PM

-9-

((... عاري الكلام ...))

لمسفر الدوسري

لبسيه اللي تبين من الهدوم
غضب ..!
عتب ..!
او حتى لوم ..
عاري الكلام اللى بقول
لاتتركينه .. لبسيه
اللي تبين !
جمرات بوح ..
ولا جروح ..
ولا اصابه زاوجت
بين البياض بدفتري ..
وبين الهموم
سميه دفا ..
سميه جفا ..
تشكيل في لون النهايات ..
ورسوم !
عاري الكلام .. اللي بقول
لبسيه اللي تبين .. من الهدوم
بنزف حكي .. اليوم ..
الى آخر ضوا في بحتي
وقيض .. وسموم
ابنزف الليله مسا ..
مسا كثير..
ليما اشوف عروقي برق
وبصوتي شمس
وكل الدرايش الخضرا اضمدها ..
واقوم ....
دام احنا عرينا الكلام ..
لك بعترف
اني بعد كل ها السفر ..
اللي مشيته بيننا
انا اعترف ..
اني مهزوم !
عجزت اصير في صبحك المظلم .. قمر !
ولا قدرتي تشعلين في سكة الخطوه نجوم !
ظنونك السودا .. سما
ما طمنت فيني الحمام
عاشق سلام
انا كنت اصيح
عاشق سلام
وكانت سماك تمطر علي سود الظنون
في كل يوم
انا اعترف .. اني مهزوم !
في داخلك ..
تمشي قبايل من عطش
وانا لقيت ..
في داخلي .. بير مهدوم !
واليوم بس ..
اليوم عرفت .. اني مهزوم
عاري الكلام ..
ولبسيه اللي تبين ...
اللي تبين من الهدوم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ الرُّؤْيَةُ وَالرَؤْيَا فِيْ الشِّعْرِ - جُوْزِفْ حَرْبُ - نَمُوْذَجَاً ]	قايـد الحربي	أبعاد النقد	17	11-11-2019 06:59 PM
&& آطا على خشم الشعر && .. مصافحة أولى ..	فواز الزناتي	أبعاد الشعر الشعبي	26	05-05-2018 11:02 PM
سليمان المانع بقلم عبدالعزيز الفدغوش	سطام الصعب	أبعاد النقد	56	07-18-2007 11:10 AM
عجائب الشعر العربي!!!!!!!!	الكأس المقدسه	أبعاد النقد	4	06-11-2006 09:17 AM

الذين يشاهدون محتوى الموضوع الآن : 1 ( الأعضاء 0 والزوار 1)