خارج الحدود

[عبدالله ثويني المانع]

..

عبدالله المانع

سلام الله يا ابن حنيف من بعده صباح الخير
ل طيب الصدفة اللي جابتك ماني مفوّتهـا

سلاام ينثني لك بالغلاا مع خالص التقديـر
تهادى بـالمحبّة من بدايتهـا لـنهايتهـا




بدر الحنيف

هلابك يا ابن مانع .. ردة ٍ من نورها تنويـر
تقل تمشي ولا تاقف سوى في باب غايتهـا

ويثينها الوفا من كبرها مـا تاجـد التعبيـر
من اللي وسطها من حشمة ٍ .. بالطيب رايتها




عبدالله المانع

ألا يا محكم ٍ جزل الكلام بـ.ـسلطة التفكيـر
بـ. أفانين اللغة جبت إستعارتهـا وكنايتهـا

وبما إنا بـ. زمان ٍ خالط ٍ فيه النفير بـ. عير
نبي ننفي بعض أشيا وبعـض أشيـا نثبتّهـا





بدر الحنيف


يا عبدالله عطانا الله عقول تمايـز التدبيـر
بحول الله فلا تنجح هل الفسـق بوشايتهـا

أقول ان الزمن ثابت .. به الطيّب به الشرير
وقوم ٍ مالها ملـه نبـي نحـاول هدايتهـا




عبدالله المانع

على الفطرة قضى إبليس الرجيم بـ.ـحملة التنصير
جيوشه ما ردعناها بـ( نشجبهـا ) ( ونمقتهـا )

وتغييـر الثوابـت جـوّزوه بـ. حجّـة التطويـر
نوايـا عاريـة مـا تنستـر بـ. أسـود عبايتهـا





بدر الحنيف

ترى مهو خطا التربه اذا إتعرت من التشجير
عسى تفنى رجال الدار لا عجزت حمايتهـا

اذا كان انحلال الغرب يمنح عزمهم تخديـر
تشوف اشناب قوم ٍ تخجل اطالـع مرايتهـا




عبدالله المانع

ثرى ] الدار إن [ رثى ] ما لوّث التأنيث بـالتذكير
رمى اللعنة على مـن شـوّه المـرأة بـ. أنوثتهـا

ننادي .. وبالأيادي .. للـ. أعادي .. صفقة وتصفير
تطبّـل يـا : بطـل لـ. اللـي تلـذّذ فـي مذلّتهـا





بدر الحنيف

تساوى " سنقل " الساعه .. مع السلسال .. والجنزير
وجيـه مقنعـه .. تمشـي والا نعـرف حكايتـهـا

..نصحتك .. لا تطب المركز اللـي لوحتـه توفيـر
تعيّن من لبس عّمه ..لجمـع.. وصـار . آيتهـا.!!




عبدالله المانع

أعرف إعوير لو طقّم بـ. نظارات أقول :[ إعوير ]
علامـات الـردى بوجيههـم ِطبعـت علامتـهـا

وأبـو عمّـه يجمعهـم ولكنّـه جـمـع تكسـيـر
ولا أبتاع الرخاص ولا آخـذ إلا أغلـى بضاعتهـا





بدر الحنيف

عساه اليا .. لبـس نظارتـه يقـرى بهـا التقريـر
قبل " يبعج " .. بطون اهل الروايه في روايتها

ياليته .. يوم جمعهـم نـوى التهليـل .. والتكبيـر
اثاري " هالفلـو " يتبـع مـن الموضـه دعايتهـا




عبدالله المانع

زمن شقلب وشككني بـ[ دير الزور ] .. [ زور الدير ]
ديـار ٍ مـا لهـا تاريـخ كـيـف أدرك حقيقتـهـا

تبي في مجلس المطرب دراسـة [ سنّـة وتفسيـر ]
مـجـرد ذكــرك الرحـمـن جمعتـهـم يشتتـهـا




بدر الحنيف

تعال ودير بالك .. والقوى خارت .. من التأخير
يا ابو تاريخ .. شّف بغداد بيد علوووج ضيعتها

أنا مابي .. أنا آبي .. على جلسـة بهـا ،،،،،
رووس ٍ فارغه .. عّمت غبا على جماعتهـا


..