التأمّل في سيرة الأشياء

[عبدالعزيز رشيد]

من يذكر؟

أوّل ماطلعت اغنية "ددّي" للشاب خالد بدى رقص الروب ينتشر عندنا لـ درجة انّك ماتدخل حارة إلا وتشوف غبرة وعجّ ولمّا الواحد يقرب يلقى واحد قاعد يرقص روب (يفحّط بشكل أدقّ) وكانوا يتحادّون والواحد يقول والله فلان بالحارة الفلانيّة اطلق منك وووو عاد طقاق يجي من ورى هالشغله وفيه بعد اللي يشتهر صيته واللي يحضر أحيان حبّ بشوف الرقص أو لـ مآرب أخرى


عاد أذكر الهوس كان بشكل جنونيّ حتّى بالسامريّ رقص السامري معروف(لعب) على ماقالوا:"الرقص للمره واللعب للرجال" , الموووهم كنّا نروح نشوف رقص السامري واللي يستنزلون(يتنكّسون) (( يعني الجنّ تبدى ترقّص فيه)) ! مرّه نشوف واحد يطفّي سجارته باصبعه ونقول هذا فيه "زيران" (جنّي) أو "شيوخ" (شيخ من الجن) ! , ياكثر اللي كانوا يرقصون يسوّون نفسهم يستنزلون ويضربونه اللي فيهم زيران صدق!! عاد كم واحد يشوف ويشوف التنكّس ويقول :"يالله أبي أصير مثلهم" طبعا لازم يدخلق "زار" والطريقة المُثلى كيف؟ هاااه قلتوا كيف أذكر يقولون:" خذ لك خاتم وادهنه بدهن عود وحطّه بالخرابه وبعدين ارجع البسه بيكون فيه سكني(جنّي) ومتى ماسمعت طقّ وووو إلخ راح تستنزل الغريب فيه ناس سووها وجتهم وفيه ناس امممنيتهم يجيهم زار عاد ومعروفين وتلقاهم يفتخرون _الغريب ش هالجهل ش هالمغامرة بجد ش هالطفاقة؟_ وين اهالينا عنّا

وع طاري الرقص دخل مدّرسنا وشاف الطلبة يدقّون الطاولات ولقى واحد يرقص جاه _كان مطوّع_ وقال ياقليل أدب يا.. يا.. يا.. إلخ الحقني للمدير ياغبي ثمّا جا وعطانا كلمة عصماء عن الرقص وقال:" الرقص لحريم سواء بسيف ولا بدون سيف" قاطعه طالب وقال :" طيّب الأمير عبدالله يرقص بسيف؟!" تبلّم المدرّس وقال اطلع اطلع والمسكين طلع وهو يتمحّط بالخيزرانه

مدري ش كانوا لاقين بهالشغلات

ردود ....

المشاركة الأصلية كتبت بواسطة صبّاغ الهوا

الشخلعة قبل ددي واه
اذكر الجدران مشخبط عليها بريك دانس
اذكر الشعب الصغير الموازي :icon_question: كانوا يقلدون مشية مايكل جاكسون رحمه الله:a60: اللي يسمونها شعبيا الريوس
يقلدونها بالحمام يعدما يدلجونه برغوة الصابون ولكي تعرف نسبة الشباب التي تقلد هذه الرقصة تلك الايام اول ما ظهرت عليك بسؤال المستشفيات عن نسبة الحالات التي تراجعم بسبب الكسور والرضوض جراء الطيحة على ارضية الحمام :a60:

و ....

المشاركة الأصلية كتبت بواسطة كندر

ياساتر لذي الدرجة والله اني مره اغمي على واحد من زملاي جيت انبند جنبه من الخلعه:d
وفيه ناس تدور على الجن في الخرايب :eek:
وعلى ذكر اللي يسوون نفسهم ينزارون مره شفت واحد مسوي انه منزار وماهو داري عن نفسه
ويتقلب على وجهه وقفاه وسط الناس وكان في وسط المكان فيه كانون كبير مولع ومليان جمر
ولا وصل عنده جلس وغير الاتجاه كان نفسي امسكه و ادحدره على الجمر عشان اوعيه << نذاله :d
سلمت :fl: :fl: