باقي حزن ؟
ان ضقت
يصبح هالمدى ماهو مدى
ويضيع صوتي بالفراغ بلا صدى
هم ينتهى وليا انتهى الثاني بدا
ان ضقت تهجد هالغصون بلا شدى
اذا تبي مني : من غيابك افيق
حاول اذا همك لجى بـ ايسر ضلوعك لا تضيق
* * *
الا إنت
لو مـ انقل انا همك معك؟
اكون انا ماني انا ، انا اكون :
انسان لكن ما ملك عمره شعور
انسان طاش ورتب الدنيا جنون
حاول يرتبها بثقل
شاف الليالي طايشه مره ولا فيها عقل
من جدك تفل الحزن في جدلتك ولا تبيني انخنق؟
* * *
قم وصنا
قم غننا
انشر اغاني هالصباح وهالصبا
قل للحزن
ياحزن عشت ومت انا
انت تهبا
ياحزن وش باقي بعد؟
باقي حزن؟
باقي سهر ما سامرعيوني طويل؟
باقي بعد
غربه
وتنهيد
ورحيل؟
باقي عمر منه بقى؟
هو باقي ليل؟
قله ترا مافات مات
وفي كل صباح آشيل صوتي اغنيات بكل ألق
انا فرح
بي ياحزن ما الله كتب لك عمر فيني ينخلق
* * *
من بعثرة هزايمك رتب نصر
كـّـون وطن
معاك بالغربه فطن
وفي وحدتك اخلق من الزحمه مصر
بس انتبه:
" لا تفكّر انّك تنتبه "
مد البصر
كـّـون من النظره حمام
حاول تكون اكثر تفاؤل واختصر
همك بضحكه لو عشان اني ابي بس منك ضحكه
* * *
مد لي يدك
هذي يدي امتدت لكل الغرق من ياسها تخلق من الظلما أمل
عطني يدك
كيف تغرق ودروبك افترشت رمل
شاطي النجاه
وبعيونك إلمحني هنا
شفني يبست من التعب
حبيبك احلمني انا
لاتحلم بغيري ترا آموتك بليا سبب
واحيابك لمية سبب :
توحدت في شي واحد منه ضقت
اني تخيلت السنين المقبلات بلا وجودك فيها لحظه
وانخنقت
ثريني اتنفس غلاك
ولا دريت انك
تجي مثل الهوا واتنفسك
واخاف تبقى بي كذا وآخاف لا "تطلع هوا"
* * *
في ضيقتك
بقيت في صدري سجين
وْحـَـتى وانت بضيقتك
تهدي الحياة وكل ضحكات السنين
واكسجين
تهديني عيد
ويوم ميلادٍ سعيد
وتهديني الدنيا مقامات و قصيد
وتجيب اعياد الحزانا
عيد عيد
هذا انا
كل يوم القاني غِنا
كل يوم انا
ارجع احبك من جديد
كل يوم انا
اشوفك لصوتي صدى
واشوفك ان ضاع النظر كلك مدى
كله شدى
حاول يدل و .. ضاعنا
وغنا لاجل اوضاعنا
انا لكم درب وجهات
سرب
وهديل
ونبض قلب
وذكريااات
آخر المشاركات
09-04-2009, 04:01 AM
بعيداً عن الأعمده ..
العرض الشجري