قدر يفور ..
بنت سفور ..
وقلت امسمر لهجتي
واشتقت لك يا قاتلي شف مقلتك
كيف أمطر العشب بفمي ..
وأجرى دمي :
عصفور فتنه .
***
لوسادة ..
من تحتها : كتب ..وْ
رسايل
من فوقها : مشط ..وْ
جدايل
قلت امسمر لهجتي ..
أو .. قلت .. ابنفض ماعلق
من
طينهم / رطينهم
بجناحي الأبيض ..
وارتل ..ماتيسر من غيابك ..
حاصروني علقم ..
يا موجة السكر تعالي
نوخي ..
( في خاصرة جسمي )
ركابك
امطريني في هلاهيل البنات :
قلادة
أو ..علقي رسمي في بابك
في يدك حفنة غيوم ؛
وفي يدي : رمل البلاد اللي
تسميني
بغير اسمي ..
هلا بك
يا مطر طق
طق
إن ..
..طق:
هي هذي آخر طيحة ..
أو طيحة .. واقوم ؟!
هو باقي فيها أمل ..
أو وصلت الحلقوم ؟!
يا مطر الغياب
يا مطر الغياب
عاري ..
تراودني الثياب
عن نفسها
طق ..
طق ..
- …
والله
لو هبت هبوب ..
لاكتب على جسد الغروب :
خشب شفاهي
- قبل اعرفك يالحنين –
ودفتري .. بلحٍ كذوب
: ..
والله ..
لو طاح المطر
لادفن تحت رمل السطر :
حنطة جنونك ..
يالعيون اللي تتوب ..
وما تتوب
***
عرافة ..
- واكسر فناجين الدموع –
استحلقت على ظهرها
المنحني عباتها ..
وابقت لي القول الغريب :
- سفر جبينك
وارتحالك موطن
مأمورة قصيدتك
بالركض .
تنشد عن اخباري عيون زفها
عرس النجوم
لجبهتي :
جسد على ورق يتقلب ..
- حالتي –
ورق على جسد يتقلب
في غرفة ضيق ..
وفي زمن يتطلب :
خاويت انا " قطو " مرايا البرق
في عيونه
وقاسمته : عظام الوقت ..
والسمك المعلب !
ساري..
في ليل سرمدي ..
لا .. ملامح ..
صاحب يخطي ..
واسامح ..؛
لا .. صديق واغفر الزله ..
ولا .. عتب
على جيران ..؛
طفت الثلوج ..؛
وذابت النيران .
ليل .. سرمدي ..
واربط الجرح العتيق بنخلة
إن حلوا .. رباطه:
بيت
خشب
وصيام
أم ..
ثلاث ..
أيتام .
وماكينة
خياطه.
. . :
.. هلا .. هلا ..
هلا .. هلا ..
هلا .. هلا .. هلا
هلا
هلا .. هلا .. هلا
ياللي انتثرتي في البكا : منديل
وفي دفتري : طيرين .. وقلادة
لا تحــزني لــو ينـــكسر قنديل
أو .. تخذل الركعات : سجاده
إن قلت :"يمه" طاح وجه الليل
تحت اصبعي .. وارتجت وساده !
***
ملمومة " مثل القنافذ "
ساعة الفرقا :
تذكرت اشتعال اللحظة اللي
فارقت فيها
عيوني بيتنا: قدر يفور .
اللحظة اللي مر فيها باص
مدرسة بنات
ولوحت بنت سفور
بشنطة الكتب .
آخر المشاركات
11-11-2009, 11:15 PM
العرض الشجري