ومضات

[سطام مشهور]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
العمر كذب .. وضحكتي هشة .. وحلمي منطفي=والجرح رطب .. وفي يدي رعشة .. وخفاقي عليل

ذا.. حالي.. اللي من غيابك..... ياحبيبي مكتفي =ذا شوقي اللي من عرفتك ملتجي مثل الدخيل

بين الحنايا يدّرج شوقٍ به الروح تهفي= يملى عيوني بالسهر يملى فؤادي بالعويل

للبرد .. عيّا الجوف يدفى .. لو تهيّا معطفي =للقيظ .. حلمي .. واخر الامال والدرب الطويل

مع كل ذا .. جيت انتثر لك شعر واطرب واحتفي=لاني احبك وانت ما ادري ؟! مير مرحى با الجميل !

يا شعرذاوقت الوفاوانا اعرف ان انت الوفي=يا زهر ذا وقت الشذى يا غيم ذا وقت المسيل

لا يا يمامات الخمايل بالمحبة .. رفرفي=لا يا حكايات التعاسة والبكا .. حان الرحيل

ياروح ...مالومك ولو من بعض زينه ترجفي=استبشري دامه حضر ماله بهدنيا مثيل

لايامشاعر ارقصي لايامشاعر غطرفي =سقت الجروح بغيبته سوقي لي الشوق النبيل

محتاج عطف وعاطفه هذا حبيبي وغرفي =ماذكر غرقت من الهوى لوكنت إناجثةقتيل

له الاماني والغلا لوكان حلمي منطفي =وانا متى هب الهوى لي خافقن ماهو بخيل

حيا الله اللي عادوالدنيا بمثله تحتفي =حتى دموعي من فرحها ...فوق وجناتي تسيل![/poem]

 

[سطام مشهور]

لومشاويـر الحيـاه تردنـي
للصبا وترجع معايا الامنيـات

كان شفت القلب وانت اتعدني
في فريقك والمشاعر عاديات

كان لعب وكنت روح تشدنـي
وكنت طهر ولا وطيت السيات

ودي العب بس قلبي يحدنـي
اتامل في عيونـن ساهيـات

اسفـر فيهـا حيـاه ايمدنـي
نشوتن تحي ضلوعن ضاميات

 

[سطام مشهور]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يادان يادان ياويلاه =من لعنة الشعرواوزانه
احيان انااقول يامحلاه=واحيان تبكيني اشجانه
واقول ياخالقي بـ اسلاه =و ارجع لكم فوق جنحانه
غيم ٍ ترزم,, تنثر ماه =ما امطر على قلوب خوانه
لو ما لقاني غصب القاه =نابت على اطراف بستانه
ويمر طفلن على ذكراه=بالعمر هو سيد ازمانه
كن الزمن جادله واعطاه =من در قلبي ومرجانه
واصبحت اغني على ليلاه =وعقلي على قمة جنانه
كـن احتراقي على مبداه=وتوه رشف نكهة احــزانه
جمعت روحي وقلت افداه=ابيع عمري على شانه
يغيب في داخلي والقاه =من لثغة الراء بـ لسانه
و
اموت انا اعشقه واهواه=طفل يتنومس بحرمانه
ذوبت له سكره ب شفاه=خلي ابو عيون خدرانه
وهيجنت له صاحبي عزاه =لاصافح العمر نسيانه[/poem]